La teunoloxía y la bioética protagonicen la xornada de los CEAS

L'Hospital de Cabueñes va acoyer el xueves la X Xornada de Comités d'Ética pa l'Atención Sanitaria (CEAS) d'Asturies, con más de 150 participantes. La teunoloxía y la biótetica van ser los temes de reflexón d’esta iniciativa qu’inclúi meses redondes, conferencies y una representación teatral a cargu de profesionales del centru.

La primer mesa, prevista pa les 9 hores, va analizar los riesgos éticos na investigación, les melecines, l'Atención Primaria, los contratos de xestación por sustitución y la tecnoloxía sanitaria en relación cola discapacidá. Tamién se van celebrar dos conferencies, la primera al meudía entitulada ‘La tecnología al servicio de la humanidad’, que va poner l'investigador del Institutu Tecnolóxicu de Materiales (ITMA), Amador Menéndez, na que va abordar críticamente les meyores teunolóxiques más significatives, les sos consecuencies y riesgos.

La segunda, ‘Biotecnología y aporofobia’, va comenzar a les 13 hores y va correr al cargu d’Adela Cortina, caderalga d'Ética de la Universitat de València. La so ponencia va centrase nuna reflexón, dende la filosofía y la ética, sobre la realidá social del refugu al probe, mesmo que sobre la posible contribución de la bioteunoloxía o'l so usu desaparente a esta situación, qu'implica alloñase de los valores de solidaridá, xusticia y democracia.

Cortina acuñó'l neoloxismu ‘aporofobia’ pa dar nome al mieu, refugu o a los probes. Esti términu incorporóse l'añu pasáu al Diccionariu de la Lengua Española y el Senáu aprobó una moción na que se pide la so inclusión como circunstancia agravante nel Códigu Penal.

La xornada va incluyir una innovadora obra teatral protagonizada por profesionales del propiu hospital y empobinada a pacientes y usuarios. La direutora teatral, actriz, psicopedagoga y fundadora del proyeutu Los Últimos Teatro, Chusa Pérez de Vallina, coordinó la representación, que se va amosar nes distintes plantes del centru sanitariu a partir de les 11.45 hores.