La Comunidá Asturiana d’Ubuntu entama unos microcursos

|

La Comunidá Asturiana d’Ubuntu, col sofitu del Conseyu de la Mocedá de Xixón, va entamar un taller de microcursos d’Ubuntu. Estos cursinos van dase tol añu, caracterizándose pola so brevedá: quince minutos de duración cadún.

“Deprender lo más básico de la informática dende Ubuntu”; esi ye l’oxetivu que la recién creada Comunidá Asturiana d’Ubuntu tien con estos cursos. Pa ello, tolos vienres de 20.15 a 20.30 nel Conseyu de la Mocedá de Xixón van tener llugar estos talleres.

Personalizar Ubuntu al gustu de cadún, instalar y desinstalar programes, importar y catalogar música, editar semeyes, usar un restolador web, usar n’Ubuntu programes de Windows, usar redes sociales…; son dalgunes de les coses que se van deprender nestos microcursos d’Ubuntu.

 

Contador Estadistiques