Fiches didáutiques

Dende l’aniciu de la humanidá, ún de los suaños del home yera poder volar como los páxaros. Tuvieron que pasar munchos años pa poder facelo realidá, pero en poco más de 100 años dende que se consiguió l’oxetivu, l’aviación avanzó de manera espectacular, convirtiéndose nún de los métodos de tresporte mayoritarios y acortiando distancies ente los distintos países del planeta.

L’automóvil ye’l mou de tresporte más utilizáu anguaño pola humanidá. Por tal entendemos a un vehículu autopropulsáu que se desplaza per carreteres d’asfaltu o de tierra. Anque autómovil ye un términu que tamién se pue estender a camiones o autocares, xeneralmente s’utiliza pa referise a los coches o turismos.

Col permisu d’Internet, la televisión ye l’inventu más influyente del sieglu XX. Ye’l mediu de comunicación más presente nes nueses vides y permite acceder a información y entretenimientu. El volume de negociu que mueve ye multimillonariu.

Denomínense naciones celtes a aquellos países que caltienen una llingua d’orixe celta. En total son seis: Breizh (Bretaña Francesa), Kernow (Cornualles), Cymru (Gales), Alba (Escocia), Éire (Irlanda) y Mannin (Isla de Man). Toes elles conformen parte de la Lliga Celta, organización de calter cultural y políticu.