Noticies a La Gueta

Aporta ‘Animalada Xabaz’, “un programa entreteníu y de calidá pa la reciella”

Animalada Xabaz A la Gueta

Estes vacaciones de Selmana Santa les neñes y neños asturianos van poder cantar, xugar y deprender cola cabra Telva, el xabaril Xuacu y la osa Sabela –falante de gallego-asturiano– xunto con dellos personaxes, ente ellos dalgún conocíu polos adultos como Cellero, El Pola o El Gallu. TPA estrena’l xueves ‘Animalada Xabaz’, “un programa entreteníu y de calidá pa la reciella”, esplica’l guionista y actor Carlos Alba.

Lleer más

Ariel y Berta viaxen a Londres na so aventura nueva

Ariel y Berta en Baker Street recortada

Los personaxes creaos por Xurde Fernández, Ariel y Berta, viven una aventura nueva. Depúes de pasiar per El Cabu Peñes y dir hasta Ponga a ver al Guirria, los nuesos collacios viaxen per primer vegada n’avión pa conocer Londres en 'Ariel y Berta en Baker Street', títulu editáu por Trabe con ilustraciones de David G. Ferrero.

Lleer más

El proyeutu normalizador ‘Estaciones’ faise realidá

'Estaciones' realidá III Premiu Fierro Botas a la Meyor Idea Normalizadora

Les alumnes y alumnos de cuartu de Secundaria del IES númberu 1 vieron materializáu’l so proyeutu ‘Estaciones’, ganador del III Premiu Fierro Botas a la Meyor Idea Normalizadora qu'entama la Oficina de Normalización Llingüística de Xixón. Consiste en bolses de tela que faen referencia a les estaciones del añu con versos de poetes asturianos.

Lleer más

Una esposición dedicada a Margarita Salas amuesa n’asturianu la so trayeutoria y el papel de les muyeres na ciencia

Esposición ‘Margarita Salas, una muyer con ciencia’

‘Margarita Salas: una muyer con ciencia’ ye’l nome de la esposición en llingua asturiana pensada pa escolinos, pero recomendada pa persones de toles edaes. Pue visitase nel Centru de Cultura Antiguu Institutu hasta'l 31 de xineru –amplióse finalmente hasta'l 26 de febreru– y nella va conocese la trayeutoria de la valdesana asina como l'importante papel de les muyeres na investigación científica.

Lleer más

Alicia Álvarez: ‘Kikirikikí’ ye un trabayu de composiciones lluminoses, pa tola familia y n'asturianu"

Alicia Álvarez

“Son temes lluminosos. De celebración”, rellata Alicia Álvarez (Xixón, 1979) sobre ‘Kikirikikí’, el proyeutu musical nuevu n’asturianu pa neñes y neños y les sos families de la periodista y componente de Pauline en la Playa. La impulsora de ‘Bestiariu’ xunto con David Guardado y creadora de ‘Pulgarina’, ente otres obres, fala con A la Gueta los Suaños de los detalles d'esti discu-llibru, otra producción de La Fabriquina editada por Araz Net.

Lleer más

María Xosé Rodríguez: “Les tornes de Tintín asitien al asturianu nel llugar que-y correspuende, al mesmu altor que les demás”

María Xosé Rodríguez López Tintín

Nel 1988 asturianes y asturianos pudieron disfrutar de dos histories de Tintín en llingua asturiana, ‘La islla prieta’ y 'Stock de cock’. 32 años más tarde, otra xeneración va facer lo propio con ‘Oxetivu la Lluna’ y ‘Pasiando pela Lluna’, dos númberos de la coleición d’Hergé que traxo al nuesu idioma María Xosé Rodríguez López (Xixón, 1965) de la mano de les editoriales catalanes Zephyrum y Trilita.

Lleer más