noticia

Esti miércoles de branu va contar con actividaes infantiles en llingua asturiana en Xixón y Uviéu. Na 'Semana Negra' preséntase'l llibru 'Unes vacaciones bien rares' y los cantares de 'Kikirikikí' lleguen a Enclave Pop, dos propuestes d'accesu llibre pa disfrutar de les vacaciones.

El domingu celebróse nel Teatru Xovellanos el conciertu final d’esti cursu de la iniciativa Cantar Presta Muncho qu’entama la Oficina de Normalización Llingüística de Xixón colos colexos del conceyu. Un total de 244 neñes y neños d’ocho centros educativos participaron nesta gala siguida por munchu públicu nes butaques.

Tán representando per Asturies 'Torna al pasáu', obra cola que ganaron el VIII Certame de Teatru Escolar n'Asturianu y Gallego-asturiano. Llueu de representala en Mieres, Caborana y Morea, la siguiente parada ye en casa, en Felechosa.

Esti martes arrancaron los ‘Conciertos de Primavera’ de la iniciativa Cantar Presta Muncho qu’entama la Oficina de Normalización Llingüística de Xixón baxo la coordinación de Nacho Fonseca. Nesta edición participen ocho coros infantiles d’otros tantos centros escolares del conceyu, que van axuntar nuna gran gala nel Xovellanos.

‘Die unendliche Geschichte’, el llibru de Michael Ende del 1979 popularizáu pola película del 1984 del tamién alemán Wolfgang Petersen, yá se pue lleer en llingua asturiana como ‘La hestoria inacabable’. Xesús González Rato, qu’enantes tornara ‘Momo’ del mesmu autor, encargóse de traducir esti llibru qu’asoleya Radagast.