'El barquín' y el restu de cantares de 'Kikirikikí' apuerten a Cabranes
!['El barquín' d'Alicia Álvarez A la Gueta 'El barquín' d'Alicia Álvarez A la Gueta](https://asturies.com/sites/default/files/el_barquin_dalicia_alvarez_a_la_gueta_reducida.png)
Alicia Álvarez va actuar acompañada por David Varela na actuación programada na plaza del Emigrante de Santolaya. Ye la primer de les munches cites que tienen previstes pa estos meses de branu, con otra fecha yá zarrada en xunetu n'Uviéu, pa interpretar estos temes que falen de los mieos, los sentimientos o les emociones.
Les neñes y neños de Cabranes tán de celebración. Esti sábadu van poder sentir en direuto los cantares del discu-llibru 'Kikirikikí' (La Fabriquina) de la cantante xixonesa, que yá va pela segunda edición.
La cita va tener llugar mañana a les 19 hores na capital del conceyu nun actividá de baldre. Ente los temes que va sonar de xuru va tar 'El barquín', la canción qu'estrenó recién un videoclip que ta causando sensación y nel que participen Xana y Mael a los coros, que tamién van tar nel conciertu de Santolaya.