Skip to content
Entamu » Sección

España

06-03-2012

La conclusión de les obres de la variante de Payares ye una prioridá pal Congresu nesta llexislatura, pero’l PP refuga poner fecha pal fin de les mesmes. El partíu del Gobiernu estatal y el PSOE acusáronse mutuamente de los retrasos.
 
29-02-2012

Alfonso Alonso, voceru del PP nel Congresu, alvirtió que’l Gobiernu va tener qu’aplicar recortes ensin precedentes por mor del déficit. El balance contable de l’Alministración sitúalo nun 8,51 por cientu, lloñe del 6 alcordáu cola XE.
 
16-02-2012

Una sentencia del Tribunal Supremu impide que les escueles d’enseñanza artística puedan utilizar la denominación de grau pa los sos estudios. D’esta forma, resuelve una demanda presentada por delles facultaes de Belles Artes.
 
30-01-2012

El diputáu d’IX, Gaspar Llamazares, presentó a la Mesa del Congresu cuatru entrugues n’asturianu y castellanu per primer vegada na historia. Nelles reclama al Ministeriu d’Educación que se pronuncie sobre la especialidá docente.
26-01-2012

Esta fin de selmana va tener llugar en Santiago de Compostela la XIII Asemblea Nacional del Bloque Nacionalista Galego (BNG). Una de les propuestes a tratar ye la creación d’una estructura organizativa na zona del Navia-Eo.
12-01-2012

Los ocho partíos que conformen el Grupu Mistu van tar representaos por Enrique Álvarez Sostres (Foro de Ciudadanos) nes comisiones d’Educación y del Estatutu de Diputáu. L’asturianu dixo tar “ilusionáu” por esti retu.
09-01-2012

Gabino de Lorenzo, nel so actu de toma de posesión como delegáu del Gobiernu estatal n’Asturies, esixó conocer una fecha “concreta y firme” pa la llegada del AVE al país. La ministra Mato encomendó-y a collaborar con Álvarez-Cascos.
 
05-01-2012

El ‘Conceyu Abiertu’ que plantegaba a los nuesos llectores si víen a Mariano Rajoy capacitáu pa sacar al Estáu de la crisis, dexó nidio les poques esperances que tienen nel líder popular. Un 89 por cientu cree que nun lo va conseguir.
 
29-12-2011

El xuez qu’instrúi’l casu Palma Arena y que investiga les actividaes del Instituto Nóos decidió imputar a Iñaki Urdangarin poles sos actividaes al frente de la entidá. Esta sociedá pudo esviar hasta seis millones d’euros de dineru públicu y priváu.
 
21-12-2011

El presidente nuevu del Estáu, Mariano Rajoy, dio a conocer el nome de los ministros y ministres que van conformar el so Gabinete. En total reparte 13 carteres, el númberu más baxu en Democracia, y sitúa a Luis de Guindos al frente d’Economía.
 
21-12-2011

Nel Plenu d’Investidura, Mariano Rajoy aseguró que diba acabar coles pontes festives. Un 49 por cientu de los llectores d’Asturies apuntaron en ‘Conceyu Abiertu’ que son contrarios a esta decisión anunciada pol presidente del Estáu.
 
20-12-2011

Mariano Rajoy, na so intervención nel Debate d’Investidura nel Congresu, señaló que va actualizar les pensiones, menguar les pontes festives y frenar l’usu abusivu del paru. Enrique Álvarez-Sostres ratificó’l so apoyu al llíder popular.
 
16-12-2011

Amaiur va ser parte del grupu mistu tres la decisión de la Mesa del Congresu de refugar que la coalición abertzale tuviera grupu parllamentariu propiu. Mentes, dio lluz verde al formáu por Foro de Ciudadanos y Unión Progreso y Democracia (UPyD).
 
15-12-2011

Rosa Díez anunció que Foro de Ciudadanos y UPyD van formar grupu parllamentariu de manera provisional. Esta decisión, amás d’evitar el vetu posible del PP a UPyD, da vía llibre a los populares pa negar la formación de grupu propiu a Amaiur.
 
13-12-2011

Los diputaos del Congresu tuvieron que xurar o prometer acatar la Constitución esti martes, pasu indispensable pa ocupar l’escañu. Un ventena d’ellos fixéronlo por “imperativu llegal”, añadiendo dellos matices.
 
12-12-2011

El diputáu d’Izquierda Xunida (IX) por Asturies, Gaspar Llamazares, nun va repetir como voceru de la so formación nel Congresu. El secretariu xeneral de la coalición y candidatu pola Comunidad de Madrid, Cayo Lara, va ocupar esi puestu.
 
01-12-2011

El Plenu d’Investidura del presidente del Estáu va adelantase al 19 d’avientu, según anunció esti xueves la secretaria xeneral del PP, María Dolores de Cospedal. D’esta forma, Mariano Rajoy garraría la presidencia’l día 21.
 
29-11-2011

L’informe de la Comisión d’Espertos pal futuru del Valle de los Caídos propón que los restos de Franco se desentierren y treslladen a un llugar ú decida la familia del dictador. Esta midida nun tien l’apoyu de trés de los doce miembros.
 
28-11-2011

José Bono declaró que quier un llíder “socialista moderáu” al que nun-y dea vergoña glayar “¡Viva España! al zarrar el congresu del que salga escoyíu”. El PSOE ta en procesu de renovación tres el fracasu eleutoral del 20-P.
 
22-11-2011

El coordinador d’IX y candidatu a la presidencia del Gobiernu de la coalición, Cayo Lara, nun descarta que’l diputáu por Asturies, Gaspar Llamazares, repita como voceru nel Congresu. La formación d’izquierda quier ser la voz de la cai nel Parllamentu.