Yolanda Díaz va visitar el llar social de l'ALLA

|
Yolanda Díaz

La vicepresidenta segunda del Gobiernu estatal y ministra de Trabayu y Economía Social va tar n'Asturies per dos xornaes pa presentar el so proyeutu Sumar nel país.

Yolanda Díaz incorpora na so axenda una visita a l'Academia de la Llingua Asturiana (ALLA). Va ser el vienres, a les 11.15 hores, onde van recibila Xosé Antón González Riaño y Marta Mori, presidente y vicepresidenta de la institución.

La primer parada de la so estancia n'Asturies va ser en L'Infiestu, mañana a les 18 hores, pa conocer xunto con Rodrigo Cuevas l'estáu de La Benéfica, el proyeutu de recuperación del teatru pilonés entamáu pol cantante. El vienres, llueu de pasar per l'ALLA, la gallega va aconceyar, a les 12.30 hores n'El Manglar, con trabayadores de los sectores productivos asturianos, pa depués desplazase a Xixón.

A les 16.30 hores va tomar un café nel Toma 3 cola alcaldesa, Ana González Rodríguez, mentes qu'a les 18 hores va celebrar l'actividá central de la so visita na pista cubierta de Cimavilla. Trátase d'un actu d'escucha abiertu a la ciudadanía entituláu 'Un futuru p'Asturies'.

Contador Estadistiques