Representantes d'EH Bildu y ERC, na presentación d'Agora Repúbliques

Andecha Astur participa nesta coalición.

La Escuela Antigua de Comerciu va acoyer esti vienres la presentación oficial n'Asturies d'Agora Repúbliques, proyeutu de xunidá de fuercies soberanistes d'izquierda del Estáu de cara a les eleiciones al Congresu y al Senáu del 28 d'abril y a les europees del 26 de mayu. Va ser a les 19 hores y nella van intervenir el vascu Josu Juaristi, eurodiputáu de Los Pueblos Deciden y númberu 3 de la llista d'Agora Repúbliques al Parllamentu européu, y el catalán Pau Morales, voceru nacional de Jovent Republicà –mocedaes d'ERC–, que van tar acompañaos por Llucía Fernández Marqués, candidata d'Andecha Astur nes Estatales.

Agora Repúbliques ye la continuidá de Los Pueblos Deciden, coalición que tien un representante n'Europa formada por Andecha Astur, EH Bildu, BNG, Puyalón de Cuchas y Unión del Pueblo y Alternativa Nacionalista Canaria. Nesta ocasión, súmase ERC, que nes anteriores algamó dos eurodiputaos con Esquerra pel Dret a Decidir en xunidá con Nova Esquerra Catalana y Catalunya Sí, y Congreso Nacional de Canarias, que xunto a les otres dos formaciones canaries formen Ahora Canarias.

El cabeza de llista pa les Europees va ser Oriol Junqueras, políticu catalán na cárcel de manera preventiva pol 'procés', siendo'l numberu 2 pa la tamién catalana Diana Riba. Juaristi ocupa'l númberu 3, mentes que'l 4 será pa la gallega Ana María Miranda.

Na semeya, Juaristi mientres una intervención nel Parllamentu européu.