Poreñu, Premiu al Pueblu Exemplar d'Asturies

|
Poreñu, Premiu al Pueblu Exemplar d'Asturies

El xuráu escoyó esta aldea del conceyu de Villaviciosa ente 25 candidatures.

Poreñu ye una aldea de poco más de 100 habitantes de la parroquia de Celada, llende con Cabranes, formada por un nucleu de cases arrodiaes d'horros y paneres, siendo l'agricultura y la ganadería les actividades tradicionales del llugar. Venceyada a la Casa de los Hevia, de la que conserva la so vivienda, la nomada Casa de la Torre, los sos habitantes caltuvieron les tradiciones del pueblu hasta la fecha, como ye l'entamu de sestaferies pa facer meyores nel pueblu, los amagüestos o la recuperación del Antroxu y la Foguera de San Xuan.

La Fundación Princesa de Asturias entama esti gallardón dende'l 1990 col oxetivu de premiar al "pueblu, aldea, núcleo de población, espaciu paisaxísticu o grupu humanu del Principáu d'Asturies que destacara de mou notable na defensa y conservación del so entorno natural, ambiental, del so patrimoniu históricu, cultural o artísticu, n'iniciatives d'impulsu económicu y social o na realización d'obras comunales u otres manifestaciones de solidaridá sobresalientes”. Dende'l 2014 vienen espublizándose les bases d'esti premiu tanto n'asturianu como en gallego-asturiano, amás d'en castellanu.

Contador Estadistiques