Os Ozcos recibe'l Premiu al Pueblu Exemplar

L'actu va celebrase en Santalla.

La rexón d'Os Ozcos, que conformen Samartín, Santalla y Vilanova, recibe esta mañana'l XXVII Premiu al Pueblu Exemplar d'Asturies qu'entrega la Fundación Princesa de Asturias. "Los sos vecinos foron quien, nes trés décades últimes, d'articular un plan coleutivu que combina de manera equilibrada tradición y modernidá, auniendo la conservación de la ñatura y el patrimoniu cultural col desarrollu económicu basáu na ganadería y el turismu rural", esplicó'l xuráu del gallardón nel so acta, nel que pon a Os Ozcos como "un exemplu a destacar, sobre manera nesti tiempu de crisis del mediu rural n'Asturies".

Los reis d'España van protagonizar l'actu institucional que va tener llugar tres una visita pela rexón que va principiar a les 11.30 hores en Samartín. Llueu la comitiva va treslladase a Vilanova, pa finar en Santalla, onde va formalizase la entrega del Premiu al Pueblu Exemplar.