Más de 500 casos nuevos diarios de COVID-19 de media na selmana última

|
Coronavirus SARS-CoV-2 fondu blancu

De los 408 de los siete díes anteriores pasóse a 508. El récor de tola pandemia de COVID-19 rexistróse'l vienres, con 793 contaxos.

Asturies detectó 3.553 positivos al algamar 19.135 positivos confirmaos por PCR esti domingu polos 15.582 del anterior, 15.557 enantes de sumar casos de xornaes anteriores non contabilizaos. Son más de mediu millar de contaxos diarios, cifres nunca vistes hasta la fecha.

El vienres algamóse'l récor de tola pandemia, con 793 positivos, que superaben los 664 del xueves y los 605 del miércoles, que marcaben el tope hasta esi momentu. Cifres mui esmolecedores, con tases de positividá que pasaben el 10 por cientu de positividá, el doble de lo que marca la Organización Mundial de la Salú (OMS) pa tener controlada la pandemia, que paecen tar amenorgando estos díes.

Hasta agora, na segunda fola, el númberu de contaxos foi de tendencia ascendente continua. Asina, dende qu'Asturies.com contabiliza la media de casos nuevos diarios per selmanes diéronse estes cantidaes: 39, 46, 52, 83, 92, 92, 150, 210, 272, 334 y 408, hasta llegar a 508 la selmana pasada.

 

Contador Estadistiques