La Xunta Xeneral refuga les enmiendes a la totalidá a los Presupuestos del 2021

La tramitación de les cuentes, aseguraes col apoyu d'IX y Foro, sigue alantre pendiente de sumar a Podemos y Ciudadanos. Tomó posesión como diputáu Menéndez Salmón.

Les enmiendes a la totalidá a los Presupuestos del 2021 presentaes pol PP, un total de 4, y VOX nun algamaron apoyos na votación celebrada esta mañana na Xunta Xeneral pol refugu del restu de grupos parllamentarios. Éstos aprobaránse definitivamente'l miércoles viniente, cuando se van a votar les enmiendes parciales que se presenten.

Na sesión de güei tomó posesión Ricardo Menéndez Salmón como diputáu por Podemos. L'escritor releva nel escañu a Lorena Gil depués de que Jara Cosculluela, siguiente na llista, renunciara al mesmu.

Na semeya, Menéndez Salmón tomando posesión del cargu al entamu del Plenu.