La Comisión pa modificar l'artículu sobre l'usu del asturianu na Xunta designa la Ponencia

|
Comisión de Reglamentu designación Ponencia

Esti órganu va encargase d'informar sobre la proposición de reforma del artículu 11.

Esta mañana la Comisión de Reglamentu aconceyó na sala Martínez Marina de la Xunta Xeneral. Consistió nuna xunta curtiu previa al Plenu, que s'allargó poco más de 2 minutos, col oxetivu de designar a la Ponencia de la propuesta fecha por Asturies pela Izquierda sobre l'usu del asturianu na Xunta Xeneral.

Ésta ta conformada por un miembru de cada grupu parllamentariu y "ha d'informar la Proposición de Reforma del Reglamentu de la Xunta Xeneral del Principáu d'Asturies nel so artículu 11". Asina, quedaron designaos por Marcelino Marcos, presidente de la Comisión, Sara Concepción Álvarez Rouco (VOX) y Pedro Leal (Foro), n'ausencia de representantes de dambes formaciones na sesión, y Ovidio Zapico (Asturies pela Izquierda), Nuria Rodríguez López (Podemos), Laura Pérez Macho (Ciudadanos), Pablo Álvarez-Pire (PP) y María Dolores Carcedo (FSA).

Na semeya, Marcos presidiendo la sesión de la Comisión de Reglamentu.

Contador Estadistiques