Asturies supera los 4.000 casos de COVID-19, con una media de 52 diarios na selmana última

Los 215 positivos rexistraos nos trés díes últimos faen que los datos de la COVID-19 n’Asturies superen la barrera de los 4.000 casos. Nes siete xornaes previes detectáronse 365 persones afectaes pola enfermedá cuasada pol coronovirus SARS-CoV-2, una media de 52 contaxos diarios polos 46 y 39 de les dos selmanes anteriores.

La Conseyería de Salú anunció 85 casos el vienres –la cifra más alta nun día de la segunda fola–, 66 el sábadu y 70 ayeri, anque los oficiales informen de 215. Esta cifra ponen el total de la serie en 4.042 casos, polos 3.677 del domingu pasáu.

La media de la selmana última ye de 52 contaxos diarios, nun ascensu progresivu del espardimientu del coronavirus nel país. Na anterior la cifra foi de 46 y hai dos, de 39.

Otra manera, el vienres finó una persona con COVID-19, la víctima 345 de la enfermedá nel país. Trátase d'un home de 95 años que taba ingresáu nel Hospital Universitariu Central d'Asturies (HUCA) ensin rellación con nengún centru sociosanitariu.

47 persones nel hospital

Anguaño hai ingresaes na UCI 10 persones, dos más que’l xueves, y en planta, 37, una menos. Mentes, rexistráronse dos altes epidemiolxiques nueves, que ponen el total de curaciones en 2.195.