Conceyu de trabayu Regueriada Fest

Carreño va contar con un festival del llibru y de la cultura asturiana con vocación añal

Candás va acoyer del 22 al 25 d’ochobre’l Regueriada Fest, un festival del llibru y la cultura asturiana con actividaes llúdiques, artes escéniques, música y gastronomía. La Durangoko Euskal Liburu eta Disko Azoka ye una de les referencies pa esti proyeutu conxuntu del Conceyu de Carreño y Política Llingüística.

Silvia Quesada 'Prefiero ver llover'

“En ‘Prefiero ver llover’ hai un cambiu estilísticu bastante importante”, asegura Silvia Quesada

El segundu trabayu de Silvia Quesada yá ye una realidá. Llámase ‘Prefiero ver llover’ y nél la cantante de Brañameana, que va presentalu’l vienres en direuto en La Felguera, exhibe “un cambiu estilísticu bastante importante” con respeuto a ‘La pena abierta’.

Frans Timmermans nel Parllamentu Européu mineros asturianos

Timmermans diríxese “a los mineros d’Asturies” na presentación del plan p’afrontar la descarbonización

“Lo que facemos equí ye un mensaxe pa los mineros de carbón d’Asturies, Macedonia Oeste o Silesia” apuntó’l vicepresidente de la Comisión Europea, Frans Timmermans, esti martes na sesión del Parllamentu Européu. Acudió a Strossburi pa presentar’l plan p’afrontar la descarbonización con un fondu esperáu de 100.000 millones pa los territorios mineros nos años próximos.

Maxi Areñes con 'Suañando dende Areñes'

“Esti trabayu lliterariu nuevu ye un diariu de suaños”, describe Maxi Areñes

‘Suañando dende Areñes’ ye la obra nueva de Maxi Areñes, una colleición de rellatos y poemes que sigue la llinia de ‘Cuentinos dende Areñes’ y que’l músicu y escritor va presentar el vienres en L’Infiestu. Maitetxu Isla encárgase de les ilustraciones d’un trabayu lliterariu que'l xixonés define como “un diariu de suaños”.

Campaña Ḷḷena pediatría

El SNL de Ḷḷena va repartir 5.000 pegatines nel área de Pediatría del Centru de Salú de La Pola

‘Toi alicando’, ‘Soi mui grande’, ‘Pórtome de mieu’ y ‘Nun ḷḷoré’ son los cuatro modelos editaos pol Serviciu de Normalización Llingüística de Ḷḷena colos que se va ‘premiar’ a les neñes y neños que tengan qu’acudir al área de Pediatría del Centru de Salú de La Pola. Van repartise, nuna primer tirada, un total de 5.000 pegatines.

Ángel Villa, Xosé Ramón Iglesias Cueva y Fernán Morán númberu 18 'Ástor'

“Con ‘Ástor’ pretendemos avera-y a la xente la realidá de la cultura asturiana y amosala al mundu”, asegura Morán

Yá ta disponible’l númberu 18 de ‘Ástor’, el cartafueyu de la Lliga Celta d’Asturies, que s’edita 30 años depués del 17 en formatu dixital con apéndices en castellanu y inglés. “Pretendemos avera-y a la xente la realidá de la cultura asturiana y amosala al mundu”, apunta’l so direutor Fernán Morán sobre esti proyeutu que se presentó na sede de l’Academia de la Llingua Asturiana (ALLA).

Primeros díes xineru Calendariu Científicu Escolar 2020

El CSIC edita un calendariu escolar científicu en cinco llingües, ente elles l'asturianu

Siguiendo exemplos esistentes n’Alba o Rumanía, y a propuesta d’Europa Laica, el Conseyu Superior d’Investigaciones Científiques (CSIC) ta acabante d’asoleyar un calendariu escolar científicu correspondiente al 2020 en toles llingües cooficiales y n’asturianu. L’Academia de la Llingua Asturiana (ALLA) participó como entidá financiadora de la iniciativa del Institutu de Ganadería de Monte.

Asturies, Galicia, Castilla y Lleón, y Estremadura, úniques autonomíes que pierden población

El noroeste peninsular y Estremadura, amás de les ciudaes autónomes, son les úniques zones del Estáu que pierden población. L’Instituto Nacional de Estadística (INE) espublizó’l miércoles los datos correspondientes al primer semestre del 2019, periodo nel qu’Asturies rexistró 2.212 habitantes menos.

Xixón, Tapia, El Franco, Cuaña y Muros van poder plantar pataca

El Gobiernu va llevantar a últimos d’esti mes la prohibición de plantar pataca en cinco conceyos por mor de la presencia de la poliya guatemaliana. Xixón, Tapia, El Franco, Cuaña y Muros son los beneficiaos, pasando a ser ‘conceyos tampón’ de la plaga, mentes qu’otros ocho, toos del occidente, siguen con restricciones.

Guia del ociu pa güei

'Difusión y Evocación. La colección de dibujos del Instituto de Jovellanos'
Localidá: Xixón
Sitiu: Muséu-Casa Natal Xovellanos
Tipu d'eventu: Esposiciones
Gazoline
Localidá: Xixón
Sitiu: Teatru Xovellanos
Tipu d'eventu: Teatru
Sofía
Localidá: Avilés
Sitiu: Centru Cultural Internacional Oscar Niemeyer
Tipu d'eventu: Proyecciones
Maite Centol, 'Nada, poco, bastante, mucho'
Localidá: Uviéu
Sitiu: Muséu de Belles Artes d'Asturies
Tipu d'eventu: Esposiciones
'Odio', de Dani Rovira
Localidá: Xixón
Sitiu: La Llaboral
Tipu d'eventu: Otros