El sábadu 7 d'ochobre celebróse la décima edición del Día de la Reciella, la xornada qu'entama 'Reciella. Families pol Asturianu' nel Muséu del Pueblu d'Asturies con actividaes pa neñes y neños n'asturianu dafechu, qu'esti añu tuvo'l lema 'La familia del asturianu crez'. Recuperóse la carrera 'Entaína', na que la familia Barbón de Llaviana pasó'l testigu simbólicu de la tresmisión xeneracional del idioma, y hebo axedrez, fútbol, moda, cosplay, origami y música, ente otros.