"TAMOS COLA INMENSA MAYORÍA QUE QUIER UN CAMBIU NEL PP
D'ASTURIES, NUN SOBRA NAIDE", SEÑALEN Los "renovadores" del PP asturianu trabayen nuna candidatura
"solvente" pal próximu Congresu rexonal
05/09/2008 Dirixentes y afiliaos del PP d'Asturies, qu'integren un grupu nel que se
definen como "renovadores", tán trabayando estos díes
en diferentes conceyos pa formar una candidatura "solvente" de cara
al próximu Congresu rexonal del partíu.
LOS UNIONISTES ASEGUREN QUERER "MAYOR CLARIDÁ"
ACERCA DEL FUTURU ESMANTELAMIENTU DEFINITIVU DEL IRA El Gobiernu d'unidá del Ulster caltién un
"útil" conceyu tres meses de bloquéu poles
tresferencies y el fin del IRA
05/09/2008 Los miembros del Gobiernu d'unidá que dende mayu del 2007 gobierna
n'Irlanda del Norte caltuvieron güei un "útil" alcuentru
de dos hores tres meses ensin aconceyase pol bloquéu pol trespasu de les
competencies de Seguridá y Xusticia y el fin definitivu del IRA que los
unionistes reclamen como condición irrenunciable pa materializar les
tresferencies.
CALCA EN QU'UNIVERSIDÁ Y PRINCIPÁU TRABAYEN P'AMPLIAR EN CUATRO AÑOS LES PLACES DE 150 PERO QUE "YE NECESARIO TENER INFRAESTRUCTURA" Gotor diz que los asturianos son más del 80% de los nuevos alumnos de Melecina y el sistema d'una décima benefícialos
04/09/2008 El rector de la Universidá d'Uviéu, Vicente Gotor, apuntó güei que más de 80 por cientu de los nuevos alumnos de Melecina son asturianos, pese a que s'inscribieron sólo 300 de los más de 1.000 rexistraos esti añu, polo qu'entiende que nun tán "perxudicaos", a lo qu'añadió que'l sistema de nota media con una décima "los beneficia".
Gotor trató güei, en declaraciones a los medios de comunicación, la polémica surdida en rellación cola nota de corte de Melecina --que nesti momentu ta nel 8,74-- con motivu del cercanu entamu del cursu académicu na universidá asturiana.
EL CONVENIU TIEN POR OXETU TRATAR DE MEYORAR LES CONDICIONES DE VIDA DE LOS REFUXAOS DE LOS CAMPAMENTOS DE TINDOUFF El Gobiernu destina 2,5 millones pa un proyeutu de collaboración col pueblu saharaui
04/09/2008 El Conseyu de Gobiernu del Principáu celebráu güei n'Uviéu decidió aprobar un conveniu de collaboración cola Asociación Asturiana d'Amistá col Pueblu Saharaui pa la execución del programa 'Apoyu a la Causa del Pueblu Saharaui: Proyeutu d'Ayuda Almientaria, Meyora d'Infraestructures y Sensibilización n'Asturies', con presupuestu de 2,5 millones d'euros.
A XUICIU DE COORDINADORA, NUN YE LA PRIMER VEZ QUE LA CONSEYERÍA DE MEDIU AMBIENTE DECIDE NUN FACER LOS CORRESPONDIENTES ESTUDIOS DEL IMPAUTU AMBIENTAL Coordinadora Ecoloxista solicita que se someta a estudiu d'impautu ambiental el Puertu L'Arena
03/09/2008 La organización coordinadora Ecoloxista d'Asturies solicitó güei a la Conseyería de Mediu Ambinete que'l proyeutu del puertu de L'Arena (Sotu'l Barcu) se someta a estudiu d'impautu ambiental. Asina, soliciten que se modifique la resolución publicada estin fin de selmana nel Boletín Oficial del Principáu d'Asturies na que la Conseyería nun considera necesario sometelu al trámite mencionáu.
ÁLVAREZ OFRECIÓ GÜEI UNA RUEDA PRENSA PA COMENTAR LOS DATOS DEL PARU REFERENTES AL PASÁU MES D'AGOSTU El Principáu diz qu'Asturies muestra "un comportamientu más positivu" del mercáu llaboral que'l restu'l país
03/09/2008 El direutor del Serviciu Públicu d'Emplegu del Principáu, José Luis Álvarez, destacó güei que les estadístiques llaborales muestren "un comportamientu más positivu del mercáu llaboral n'Asturies que nel restu d'España".
Álvarez ofreció güei una rueda prensa pa comentar los datos del paru referentes al pasáu mes d'agostu y aseguró que pese al escenariu económicu desfavorable, "n'Asturies caltiénse la creación d'emplegu".
Asina, insistió nel meyor comportamientu de los datos del Principáu en comparanza col restu del país. "Somos la única comunidá autónoma na que se rexistra un aumentu del númberu d'afiliaos a la Seguridá Social y na que l'emplegu sigue creciendo", dixo Álvarez, qu'afirmó que l'afiliación a la Seguridá social algama datos históricos.
Recordó amás que nel Principáu'l paru creció nel mes d'agostu, pero "muncho menos qu'otros 'agostos'", lo que fai qu'Asturies seya la comunidá onde menos crez el paru nel últimu añu.
El dirixente sindical apuesta pola revisión del acuerdu social pa
meyorar y orientar ante l'actual situación de crisis económica Braga (UXT) pide un pactu de Gobiernu rexonal d'izquierdes porque
"Asturies nun ta pa prollongaciones presupuestaries"
02/09/2008 El secretariu xeneral d'UXT, Justo Rodríguez Braga, apelló
güei a la "responsabilidá" de los dos partíos
d'izquierdes con representación na Xunta Xeneral del Principáu,
PSOE y IX-BA-LV, col propósitu d'algamar un acuerdu de Gobiernu que
permita dar estabilidá a los presupuestos de los próximos
años porque "Asturies nun ta pa prollongaciones
presupuestaries".
Asina, caltuvo que dambos partíos, que yá formaron equipu de
Gobiernu na anterior llexislatura, vean los elementos que los unen, dean
posibilidaes d'acuerdu y aparquen los temes de conflictu, como la presa de
Caliao, la incineradora de Serín o la cooficialidá del asturianu.
Rodríguez Braga fizo asina un pidimientu direutu al grupu d'Izquierda
Xunida pa que pase d'una postura "ideolóxica" a una
"pragmática", ya qu'entiende que les principales
preocupaciones de los asturianos se dirixen hacia l'emplegu dignu, el salariu
apropiáu y la vivienda accesible y protexida.
SEGÚN L'EXÉRCITU NORTEAMERICANU, LOS TALIBÁN
PREVÍEN ATACAR UNA BASE CERCA DE LA COALICIÓN Cientos d'afganos exixen castigu pa los culpables de la muerte de 90
civiles, asesinaos poles fuerces estaounidenses
Cientos d'afganos axuntáronse cerca d'una llocalidá
bombardiada pola coalición encabezada por EE.UU pa pidir al Gobiernu que
se castigue a los responsables de la muerte de polo menos 90 civiles en dicha
operación.
L'EMBAXADOR RUSU PIDE UN NUEVU ORDE INTERNACIONAL NEL QUE NUN PREDOMINE'L
"DOBLE RASERU" Y DESCARTA UNA NUEVA GUERRA FRÍA Rusia alvierte a EE.UU y demás "amigos" de Saakashvili de
que diba ser un "error históricu" rearmar a Xeorxa
L'embaxador rusu n'España, Alexander Kuznestov, alvirtió
güei a EE.UU y al restu de "amigos" del presidente xeorxanu,
Mijail Saakashvili, de que diba ser un "error de magnitú
histórica" volver a "apuntalar" a un réxime que se
dexa llevar polos "instintos" y caltién una postura
"chovinista y xenófoba" hacia los países vecinos.
ESTI FENÓMENU AFEUTA YA A 135.000 MOZOS AL AÑU El Principáu ye la comunidá con menor fracasu escolar
El fracasu escolar n'España queda nel 30,8 por cientu tres crecer casi un 16 por cientu dende'l 2000, fecha hasta la que se tienen datos, y un 8 por cientu nos últimos dos años, según un artículu de la revista 'Magisterio', recoyíu por Europa Press. Asturies ye la comunidá con menor fracasu escolar.
CC.OO LLAMENTÓ QUE N'ASTURIES NUN EXISTAN DATOS OFICIALES CC.OO estima que nun añu morrieron nel Principáu 321 trabayadores por mor de cáncer llaboral
El sindicatu CC.OO calcula que n'España cinco millones de trabayadores tán espuestos a axentes canceríxenos, un 25% de la población llaboral española, col resultáu estimáu d'ente 3.000 y 15.000 nuevos casos de cáncer llaboral al añu, y ente 2.000 y 9.000 muertes por cáncer d'orixe llaboral. Munchos pa nun tenese en cuenta, sobre too si consideramos que toos puen prevenise. N'Asturies, el sindicatu estima que morrieron 321 trabayadores a causa del cáncer llaboral.
JIMENO SEÑALÓ QUE LA INICIATIVA DEL XUEZ NUN TIEN "NENGUNA SALIDA" DENDE'L PUNTU DE VISTA XURÍDICU Xueces pa la Democracia avisa de que la iniciativa de Garzón sobre les víctimes del franquismu "tien pocu futuru"
L'asociación Xueces pa la Democracia (XpD) considera que la inciativa del maxistráu de l'Audiencia Nacional Baltasar Garzón d'ellaborar un censu colos desapaecíos na Guerra Civil p'abrir una posible causa "tien pocu futuru" dende'l puntu de vista xurídicu y apunta qu'esta cuestión debería resolvese nel "propiu ámbitu políticu".
Rubén Fernández Ardura fai nesta columna un analís de la "baxada bultable" del fenómenu folk n'Asturies. Rellacionándolo, ente otres coses, col parón na programación de nueches folk; propón una serie de soluciones pa devolve-y a la música de raigañu l'espaciu qu'algamara hai unos años.
Llan de Cubel amuesa una vegada más, nesti trabayu, por qué ye´l grupu meyor valoráu fuera de les nueses llendes. Nesti trabayu ponen música a un poema del padre Galo Fernández, el meyor poeta asturianu del sieglu XX. • más n'ASTURSHOP
