Convocatories

El 12 de marzu Telón de Fondo representa la versión n’asturianu de la obra de Brian Friel “El Xuegu de Yalta”, versión a la so vez del cuentu llargu de Chejov “La dama del perrín”. Yalta, llugar de veranéu de la Rusia zarista, ye l´escenariu d´un alcuentru ente dos persones; Ana Sergueyevna y Dmitry Gurov, dambos casaos y qu’entamarán una rellación adultera.
 

El 11 de marzu, Syntexto Teatro pon n’escena “!Oh 36!” de Lluis Portal Hevia. Una hestoria, que surde de la esperiencia real que vivió'l médicu y escritor asturianu Carlos de la Concha na Guerra Civil y que cuenta la de tantes persones de d’estremada ideoloxía y nacionalidá que pasaron pela mesma vivencia traumática en metá de cualesquier guerra.

La Xunta de Personal docente non Universitariu d'Asturies va celebrar nel salón d'Actos del IES Aramo, el so Plenu ordinariu nel que se abordarán “temes d'importancia qu'esmolecen fondamente na Enseñanza Pública Asturiana”.
 

Xuventú Asturianista y el PAS convoquen una concentración el sábadu 6 de marzu n'homenaxe y alcordanza d'Emilio Robles Muñiz, más conocíu col nomatu de ‘Pachín de Melás’.
 
La cita ye a les 12.30 na cai Avelino González Mallada, onde l'antigua cárcele del barriu xixonés d'El Coto, na que Pachín de Melás morrió, “xunto a los demás represaliaos na historia d’Asturies pola defensa de la democracia, el progresu social y económicu y l'identidá asturiana, pa lluchar escontra l'escaezu de los nuesos paisanos y del so exemplu de sacrificiu”, señalen dende la organización.