Convocatories

“L’encierru” de José Ramón López Menendez, a cargu de Teatro Kumen, fala de les hores vivíes por unos sindicalistes-mineros dientro d’un pozu del valle del Nalón. L’enzarru faise col envís de forzar una negociación sindical cola empresa depués de dellos meses de fuelgues y movilizaciones y cuenta les rellaciones personales que surdieron ente los sindicalistes y de que mou la so cultura sindical condiciona les sos vides y les de los que tienen alredor.
 

El 25 de marzu, el Grupo de Teatro de Carbayín va representar la obra de José Ramón Oliva Alonso, “La Texuca, República Independiente”, onde por un fallu burocráticu y una perda de documentación na guerra civil, una fastera de la Texuca (que llinda con cuatro conceyos asturianos) vese na posibilidá de dixebrase d’España y solicitar el so reconocimientu como nación soberana. Nel curtiu recorríu que va a tener esti proyectu de nación van pasar por dellos rexímenes de gobiernu, faciendo asina una sátira política con un ritmu modernu y anovador.