'As razóis d'Anxélica' n'O Chao

'As razóis d'Anxélica', d'Aurora García Rivas ye la primer novela escrita nuna fala eonaviega, concretamente na de San Tiso, la más occidental. El llibru va presentase’l sábadu 20 de marzu, a les siete de la tarde, nel auditoriu de San Tiso d’Abres, n'O Chao, nun actu entamáu pola asociación cultural San Tiso del Eo. Tamién va presentase nesi mesmu actu la edición billingüe con una versión en portugués de ‘Contos. Ducía e media d’eles’, de la mesma autora.
 
Esta obra va presentala Armando López Roca, mientres que la presentación de la novela va dir de la mano d’Humberto Gonzali. Van participar tamién la Direutora Xeneral de Política Llingüística, Consuelo Vega, y el Conceyal de Cultura del Conceyu de Xixón, Justo Vilabrille.