Noticies a La Gueta

Día de la Llingua Materna: “En llingua asturiana puedo falar, compartir y aprender”

Cartelu Día de la Llingua Materna

Ésta ye la primera de les razones pa puxar pol idioma de casa qu’espón el ‘Manifiestu pola llingua materna’ que se va lleer nes escueles d’Asturies esti llunes, 21 de febreru, Día Internacional de la Llingua Materna. Estos díes en clase ta trabayándose’l significáu y el valor que tien l’asturianu y el gallego-asturiano.

Lleer más

El cuentu de la curuxa Catuxa yá tien llibru

Cubierta 'La Curuxa Catuxa' de Vero Suari y Inaciu Galán

'La curuxa Catuxa' va presentase esti xueves nel ciclu Uviéu Abierto. Impronta edita esti cuentu ganador de XIII Premiu María Josefa Canellada de lliteratura infantil y xuvenil, escrito por Vero Suari y Inaciu Galán, que nos trai un personaxe que va prestar enforma a la reciella.

Lleer más

Yá se conocen los diez centros ganadores del concursu escolar ‘Al son del cantar’

Al son del cantar

‘El mañá das grandalesas’, ‘Les fiestes del añu’ o ‘Marineru’ son dalgunos de los temes compuestos por escolinos que grupos musicales reconocíos del país van versionar faciéndolos suyos. El concursu ‘Al son del cantar’ llega a la segunda fase, que se va rematar cola edición d’un discu y l’entamu d’una gala en mayu.

Lleer más

El ‘Calendariu Científicu Escolar 2022’ del CSIC pue descargase n’asturianu y n’otres nueve llingües

Calendariu Científicu Escolar 2022 mes de febreru

L’esperantu, el francés y l’árabe son los trés llingües nueves na que’l Conseyu Superior d’Investigaciones Científiques (CSIC) asoleya’l ‘Calendariu Científicu Escolar 2022’, que dende la so creación nel 2020 ta disponible n’asturianu. Los usuarios pueden descargalu de baldre, asina como la guía didáutica adaptable pa Primaria y ESO.

Lleer más

La programación infantil n’asturianu en TPA en Navidá: “cero minutos”

Animalada Xabaz

La Xunta pola Defensa de la Llingua Asturiana (XDLA) denuncia que, a diferencia de lo qu’asocede con otres televisiones autonómiques de territorios con llingua propia, TPA dedicó “cero minutos a la emisión de programación infantil n'asturianu” esta Navidá. Les poques películes pa la reciella emitíes foron producciones “con un doblaxe al castellanu fechu por empreses madrilanes o catalanes”.

Lleer más

Escolinos de Llingua Asturiana de L’Entregu preparen postales navidiegues pa les aules hospitalaries

Postales navidiegues cuartu de Primaria Colexu Sagrada Familia

Esti vienres va facese entrega nel HUCA y en Cabueñes les postales navidiegues feches por escolinos de Llingua Asturiana del Colexu Sagrada Familia de L’Entregu. D’esta forma quieren apoyar a les neñes y neños ingresaos nestos hospitales nestes feches tan señalaes.

Lleer más