Una caxa del tiempu y una gala, novedaes de los XV Alcuentros de la Mocedá cola Llingua de Xixón

Cartelu XV Alcuentros de la Mocedá cola Llingua

El Muséu del Pueblu d’Asturies va acoyer un añu más los Alcuentros de la Mocedá cola Llingua, qu’esti martes celebra la so decimoquinta edición. La gran novedá d’esti añu ye l’entamu d’una caxa del tiempu, cola idea d’abrila en cinco años, nel trescursu d'una gala.

Les escolines y escolinos de Secundaria del conceyu van guardar nella petites o deseos pa col asturianu, pa con Xixón y pa cola sociedá asturiana, que los participantes na vixésima edición de los alcuentros van conocer nel 2023. Mientres, la caxa del tiempu va guardase nel llar de la Oficina de Normalización Llingüística de Xixón.

Mañana al rodiu de 500 alumnos de la materia de Llingua Asturiana van acudir a esta xornada lúdico-pedagóxica p’averar l’idioma a la mocedá de manera diferente, col envís de que se pescancien de que l’asturianu tamién s’emplega fuera del aula. Asina, dende les 9 hores, van participar en xuegos tradicionales y nuna ‘gymkhana’ cultural.

Darréu, van aconceyar nel salón d’actos del Recintu Ferial Luis Adaro pa participarna gala de celebración polos quince años de los alcuentros, onde va proyeutase un videu al respeuto. Tamién van poder esfrutar d’un monólogu y d’un concursu d’entrugues ente centros.