Un total de 86 escueles recibe un reconocimientu por apostar pola materia de Llingua Asturiana

Reconocimientu d'Oru Reciella 2017-2018

‘Reciella. Families pol Asturianu’ quier reconocer per segundu añu l’apuesta pola materia de Llingua Asturiana y Lliteratura fecha dende los centros. Tres centrar la primer edición a Xixón, la iniciativa ‘Escuela afayadiza’ amplíase agora a toda Asturies, con 86 distinciones, 27 d'elles por tener una matriculación del 100 por cien.

El Colexu Públicu Santa Olaya foi l’únicu que nel cursu 2016-2017 recibió la más alta mención, el ‘Reconocimientu d’Oru’, por tener un matriculación del 100 por cien del alumnáu. Esti añu la escuela del oeste de la villa pasa a recibir el ‘Reconocimientu de Plata’ (matriculación del 75 por cientu o más), pero son 27 los centros del restu del país que reciben el d’oru, mentes que la ‘Mención Especial’, reservada nun primer momentu pa los centros concertaos –recibiólu’l Patronato San José l’añu pasáu al tener un 75 por cientu de matriculación– va tamién pa los seis centros que participen nel Plan Pilotu esperimental de Promoción del Usu del Asturianu pa facer l’asturianu llingua vehicular en materies de cuartu de Primaria: La Carriona-Miranda (Avilés), El Bosquín (L’Entregu), Xentiquina (Lieres), El Cotayu (Carbayín), Bernardo Gurdiel (Grau) y Santiago Apóstol (Mieres).

Con ‘Reconocimientu de Plata’ hai 57 escueles, mentes que seis centros cencertaos y privaos reciben tamién la ‘Mención especial’. Toes estes escueles van recibir unes pegatines que van poder colacar a la entrada de la instalación y que Reciella va dir anovándoles añu tres añu indicando asina qué colexos son afayadizos pa deprender asturianu na etapa de Primaria.

“Nesti momentu, nel que tanto se valoren los sellos de calidá, hai un númberu importante de families como nós pa les que l'apueste decidíu de la escuela pol plurillingüismu ye importante a la hora de matricular a los rapacinos. Por esa razón paeznos importante visibilizar el compromisu de la comunidá educativa d’estes escueles, yá que nun se nos escapa que, anque la matriculación na asignatura, al ser voluntaria, depende de la decisión de les families, los claustros, equipos directivos y el bon llabor docente tienen muncho que dicir na visibilización, promoción, información y comunicación a les families de les ventayes y la importancia que tien pa los escolinos l’asignatura d’Asturianu, cumpliendo asina amás la llei vixente; tanto l’Estatutu d’Autonomía como la Llei d’Usu falen espresamente de que se promoverá dende les instituciones la enseñanza del asturianu, respetando la voluntariedá de les families”, apunten dende Reciella.

Centros reconocíos

Los 86 colexos que reciben mención nel cursu 2017-2018 son los siguientes:

Reconocimientu d’Oru

  • Ayer: C.P.E.B. Cabañaquinta, C.P. San Pedro (L’Escobiu), C.P. Felechosa y C.P. Santa Bárbara (Oyanco).
  • Belmonte: C.P. Belmonte de Miranda.
  • Cangas del Narcea: C.R.A. Coto Narcea (La Riela), C.R.A. Río Cibea (Ḷḷimés), C.R.A. Santana (El Llano) y C.R.A. Valle Naviego.
  • Carreño: C.P. 'Logrezana' y C.P. 'Guimarán'.
  • Casu: C.P. Manuel Miguel y Traviesas.
  • Colunga: C.P. Matemático Pedrayes (Llastres).
  • Llangréu: C.P. Benjamín Mateo y C.P. Regino Menéndez Antuña.
  • Les Regueres: C.P. Príncipe de Asturias (Santullano).
  • Llaviana: C.P. Maximiliano Arboleya (Barreos) y C.R.A. Alto Nalón (El Condáu).
  • Ḷḷena: C.R.A. Campumanes.
  • Mieres: C.P. Ablaña-Pereda, C.P. Villapendi y Colegio Sagrada Familia.
  • Proaza: C.P. Nicolás Albuerne.
  • Samartín del Rei Aurelio: El Bosquín (L’Entregu) y El Coto (L’Entregu).
  • Siero: C.P. El Cotayo.
  • Tinéu: C.P. Xera-Cuartu los Vaḷḷes (Xera)y C.P.E.B. Príncipe Felipe (Navelgas).

Reconocimientu de Plata

  • Ayer: C.R.A. Maestro D. José Antonio Robles (Caborana) y C.R.A. Alto Aller – Santibáñez.
  • Avilés: C.P. Virgen de las Mareas, C.P. Marcos del Torniello, C.P. La Carriona-Miranda, C.P. Llaranes, Colegio Santa Luisa de Marillac y Colegio Santo Tomás.
  • Cabrales: C.P.E.B. Las Arenas.
  • Candamu: C.P. Prieto Bances.
  • Cangas del Narcea: C.R.A. Santarbás y C.P. Rengos.
  • Castrillón: C.R.A. Castrillón-Illas.
  • Corvera: C.P. Francisco Fernández González (Cancienes).
  • Gozón: C.R.A. Cabu Peñes y C.P. La Canal (Lluanco).
  • Grau: C.P. Bernardo Gurdiel.
  • Llangréu: C.P. Plácido Beltrán, C.P. Benedicto Bembibre Torre y C.P. La Llamiella.
  • Ḷḷena: C.P. Jesús Neira.
  • Llanes: C.P. Nueva, C.R.A. Llanes I (Vibañu) y C.R.A. Llanes II (Vidiagu).
  • Mieres: C.P. Vega de Guceo, C.P. Liceo Mierense, C.P. Teodoro Cuesta, C.P. Santiago Apóstol, C.P. Llerón-Clarín, C.P. Rioturbio, C.P. Santa Eulalia (Uxo) y Colegio Lastra.
  • Muros: C.P. Maestra Humbelina Alonso Carreño.
  • Nava: C.R.A. La Coroña (Cecea).
  • Onís: C.R.A. 'Picos de Europa' (Benia).
  • Uviéu: C.P. Narciso Sánchez (Lluniegu).
  • Pravia: C.R.A. 'Bajo Nalón' (Pinullán).
  • Riosa: C.P. Alcalde Próspero Martínez (L’Ará).
  • Salas: C.P. Chamberí.
  • Samartín del Rei Aurelio: C.P. El Parque, C.P. 'Rey Aurelio' (Sotrondio) y C.R.A. 'San Martín' (La Güeria).
  • Sariegu: C.P. La Vega.
  • Siero: C.P. 'Carbayín Bajo', C.P. Xentiquina (Solvay) y C.R.A. Viella.
  • Somiedu: C.P. Florez Estrada (La Pola).
  • Sotu'l Barcu: C.P. Gloria Rodríguez (Sotu)
  • Teberga: C.P. La Plaza.
  • Villaviciosa: C.R.A. La Marina (Castiellu Les Mariñes).
  • Xixón: C.P. Honesto Batalón, C.P. Xove, C.P. Antonio Machado, C.P. Tremañes, C.P. Santa Olaya y C.P. Montiana.

Mención Especial (Plan Pilotu esperimental de Promoción del Usu del Asturianu)

  • C.P. El Bosquín (Samartín del Rei Aurelio).
  • Colegio Público Bernardo Gurdiel (Grau).
  • CP La Carriona (Avilés).
  • CP Santiago Apóstol (Mieres).
  • CP El Cotayo (Siero).
  • CP Xentiquina (Siero).

Mención Especial (centros concertaos y privaos)

  • Colegio Santa Luisa de Marillac (Avilés).
  • Colegio Santo Tomás (Avilés).
  • Colegio Lastra (Mieres).
  • Colegio Sagrada Familia (Mieres).
  • Col. Patronato San José (Xixón).
  • Col. Sagrada Familia (Uviéu).