Presentada una guía didáutica del llibru 'Sol en los pomares'

Esta espublización pa escolinos de secundaria complementa la reedición de la obra de Matías Conde.

Esti vienres pela mañana nel salón d'actos del Centru de Cultura Antiguu Institutu de Xixón, presentose la guía didáutica 'Sol en los pomares' sobre esta obra asoleyada nel 1948 en México agora reeditada n'edición facsímil pola Academia de la Llingua Asturiana cola collaboración del Conceyu de Xixón. L'autor d'esta ferramienta ye Pablo Rodríguez Medina.

La Oficina de la Normalización Llingüistica de Xixón ta detrás d'esta guía dirixida a escolinos y escolines de Secundaría na que van poder afondar na figura del escritor xixonés y nel contestu históricu que-y tocó vivir, tocando'l tema de la emigración.

Na presentación tuvieron presentes Pablo Rodríguez Medina l'autor, la Directora de la Fundación Municipal de Cultura Raquel Huergo, la Responsable de la Oficina de Normalización Llingüística, Mª Xosé Rodríguez López y alumnos del Colexu San Lorenzo.