Pintar-Pintar presenta 'Versonaxes', poesía ilustrada pa grandes y pa neños

El próximu xueves 7 de payares, a les 19:30 hores na Casa del Libro de Uviéu, va tener llugar la presentación del álbum de poesía ilustrada “Versonaxes”, un llibru de poemes escritos por Aurelio González Ovies acompañaos por ilustraciones de Ester Sánchez, publicáu por la editorial Pintar-Pintar.
 
Los 23 poemes describen, al traviés del versu, la palabra y l'imaxe, a 23 personaxes reales y fantásticos, cercanos y cotidianos. Les pequeñes y apuntiaes pincelaes de Ester Sánchez xunense de forma máxica colos testos, completándose mutuamente nun álbum que pueden esfrutar tanto grandes como pequeños. “Versonaxes” xunese a otros álbumes de poemes ilustráos d'Aurelio González, editaos por Pintar-Pintar tantu n'asturianu como en castellán, dende "El poema que cayó a la mar" (2007), hasta "Loles" (2011), incluyendo títulos como "Cascoxu" (2008), "Chispina" (2008), "Too ama" (2009) y "Mio madre" (2010).
 
Amás del llibru, la editorial publicó una aplicación pa iPad disponible por 1.79€, na que pueden atopase los poemes d'Aurelio González Ovies correspondientes a la edición impresa, acompañáos poles ilustraciones interactivas de Ester Sánchez, semeyes, enllaces y un xuegu que consiste n'entamar tou un revoltixu de versos sueltos.