Mieres entama Revoltixu Astur pa diversión de neños y neñes

Cartelu de Revoltixu Astur

Dende esti llunes y hasta’l xueves, el Parque Xovellanos de Mieres va acoyer Revoltixu Astur toles mañanes. Esti eventu entama actividaes d’ociu, xuegos tradicionales y manualidaes pa que neños y neñes puedan disfrutar del tramu final de les sos vacaciones braniegues.

Les persones que participen nel programa de formación y emplegu Actívate de Dinamización d’Actividaes de Tiempu Llibre Educativo Infantil y Mozu van encargase de dirixir les actividaes que van celebrase n’horariu de 12 a 14 hores tolos díes hasta’l xueves. Nelles pueden participar neñes y neños con edaes de 3 a 12 años, ensin la necesidá d’inscribise previamente pa ello.

Revoltixu Astur llega tres la finalización de los campamentos urbanos Movámonos Xunt@s, un programa qu’ufre actividaes d’ocio en Mieres n’horariu de mañana, facilitando asina la organización y la conciliación personal y llaboral de les families. Mentes, al empar, los participantes nestes vacaciones actives diviértense y aprenden con actividaes llúdiques y formatives acordies col so desarrollu inteleutural y motriz.