Los xuegos infantiles de La Peral, en males condiciones

Un vecín de la La Peral treslladó la situación a la Guardia Civil la situación na que tán los xuegos infantiles de La Peral, onde una arqueta rota pon en peligru a los usuarios. Da esti pasu dada l'inaición del Conceyu d'Illas llueu de venir comunicándolo dende xunu.

Según la denuncia puesta n'Avilés el xueves, "particulares-vecinos" vienen dando conocimientu a les autoridaes llocales de "el citáu estáu de dicha arqueta dende'l pasáu mes de xunu". Ésta podría romper cuando la espicha celebrada nel sitiu, onde tamién tuvo llugar un mes más tarde les fiestes de La Peral, polo que'l denunciante valora que "queda claro'l desentendimienu y dexadez" del Conceyu, que dio'l permisu "ensin comprobar l'estáu de les instalaciones enantes y depués del so usu autorizáu".

Apúntase tamién que neses fiestes entamaes pola Asociación de Vecinos El Sofitu, en concreto'l 7 d'agostu, una neña resultara mancada pol estáu de dicha arqueta na celebración d'unos xuegos infantiles, ensin consecuencies graves pa la pequeña. "A día de güei l'arqueta siguen ensin iguar y la zona ensin llendase pa prevenir incidentes nuevos", señala'l vecín, qu'asegura que treslladara al Conceyu y al personal de caltenimientu la situación en delles ocasiones, polo que solicita "que s'investiguen los fechos y les sos responsabilidaes tanto civiles como penales al haber yá una persona firida" que nun identifica na denuncia.

Na semeya superior, estáu de l'arqueta'l 12 d'agostu. Na inferior, l'actual, tapada por una tabla col pesu d'una piedra, a fecha del 5 de setiembre.