Los colexos Versalles y Villayón ganen el III Certame de Teatru

Los colexos Versalles y Villayón ganen el III Certame de Teatru

Los avilesinos en Primaria y los villayonenses, en Secundaria y Bachilleratu.

La Conseyería d'Educación y Cultura falló ayeri'l III Certame de Teatru Escolar en Llingua Asturiana/Gallego-Asturiano, nel que participaron centros educativos de tol país. Los ganadores en Primaria foron los escolinos del Colexu Públicu Versalles, asitiáu n'Avilés, cola obra 'Escaecer', mentes qu'en Secudaria y Bachillerato lleven el primer premiu los alumnos del Centru Rural Agrupáu Villayón, con 'El trato del cocho'.

Estos grupos d'escolinos van representar dambes obres el xueves próximu, nel marcu de la XXXVII Selmana de les Lletres Asturianes, nel xixonés Teatru de la Llaboral  a les 18 hores, al igual que'l restu de representaciones premiaes, con entrada de baldre. El palmarés d'esta edición ye'l siguiente:

PRIMARIA

  • PRIMER PREMIU: 'Escaecer', del CP Versalles (Avilés).
  • SEGUNDU PREMIU: 'Un casu de la lleche', del CP Felechosa.
  • TERCER PREMIU: 'Les mitoloxíes anden revueltes', del CP Returbiu.
  • MEYOR ACTOR: Sergio García Fernández, del CP Felechosa, pol so papel de Xuacu na obra 'Un casu de la lleche'.
  • MEYOR ACTRIZ: Noah Presa Cotarelo, del CP Versalles, pol so papel de científica de la NASA na obra 'Escaecer'.
  • MEYOR DIRECCIÓN: Natalia Suárez Ríos y Carmen de la Peña, del CP Versalles, por 'Escaecer'.
  • MEYOR VESTUARIU: 'Les mitoloxíes anden revueltes', del CP Returbiu.
  • MEYOR ESCENOGRAFÍA: 'Un casu de la lleche', del CP Felechosa, y 'Pachu y les sos aventures', del CP Morea, ex aequo.
  • MEYOR TESTU ORIXINAL: Laura Prieto Rodríguez, del CP Felechosa, por 'Un casu de la lleche' y Natalia Suárez Ríos, del CP Versalles por 'Escaecer', ex aequo.

SECUNDARIA Y BACHILLERATU

  • PRIMER PREMIU: 'El trato del cocho', del CRA Villayón.
  • SEGUNDU PREMIU: 'Asturianos a la gueta d’un futuru meyor', del IES Avelina Cerra (Ribeseya).
  • MEYOR ACTOR: Christan García, del IES Avelina Cerra, pol so papel de Darío Francisco na obra 'Asturianos a la gueta d’un futuru meyor'.
  • MEYOR ACTRIZ: Noelia García Duarte, del CRA Villayón, pol so papel de compradora na obra 'El trato del cocho'.
  • MEYOR VESTUARIU: 'Asturianos a la gueta d’un futuru meyor', del IES Avelina Cerra.
  • MEYOR TESTU ORIXINAL: Luz Madarro Fernández, del CRA Villayón, por 'El trato del cocho'.