L’Anguleru va tar en TPA en ‘La maxa de la Navidá’
La cantante Anabel Santiago y el cocineru Christian González van encargase presentar ‘La maxa de la Navidá’, especial de la TPA pa esta Nuechebona na que var n’esclusiva L’Anguleru. El programa va repasar la historia de la Navidá y les tradiciones asturianes pa estes feches.
Coneutando coles escueles y colos ayudantes de L’Anguleru, los Llendadores de Ríu, n'otres partes d'Asturies, el pescador van dir comprobando dende’l so llar xunto con Lolina la Rulera si yá ta too preparao pa poder llevar los regalos per Asturies esta Nueche. Tamién va haber espaciu pa la cocina, con Crhistian preparando un ricu tueru de Navidá n'homenaxe a la tradición del nataliegu.
Por último, Noelia Suárez Veira va intrepretar el villancicu ‘El ramín de Nadal’ compuestu en comuña col maestru Víctor Raúl Pintado ‘Vitu’. La emisión de ‘La maxa de la Navidá’, que ta financiáu cola partida de la Conseyería de Cultura, Política Llingüística y Turismu a la RTPA, va principiar a les 17.15 hores d’esta tarde.
Na semeya, Lolina la Rulera y L'Anguleru nel llar asturianu del pescaderu xunto col so ramu de Nadal.