L'Anguleru

Toles neñes y neños asturianos que foron bonos a lo llargo del añu reciben la visita de L’Anguleru na madrugada del 24 al 25 d’avientu, Nuechebona. Esti día entra n’Asturies pel ríu Nalón procedente del mar de los Sargazos.

¿Quién ye L’Anguleru?

Un personaxe navidiegu asturianu.

¿Qué ye lo que fai?

Reparte regalos a toles neñes y neños asturianos en Nuechebona.

¿A qué se dedica?

L’Anguleru pasa tol añu nel mar de los Sargazos, a miles de quilómetros d’Asturies, onde curia de les anguiles y les angules.

¿Por qué torna en Navidá?

Nesa época del añu principia la época de l’angula, pexe que se desplaza dende’l so lugar de cría a la parte alta de los ríos, onde desarrolla la mayor parte de la so vida.

¿Cómo se desplaza L'Anguleru?

Na so barca. Si tas pendiente a la mar esi día, igual pues velu venir pel occidente. Ye incofundible pol so chubasqueru mariellu y el so gorru de llana.

¿Per ónde entra n'Asturies?

Pel ríu Nalón, en concreto per L’Arena, onde los neños y neñes del pueblu salen a recibilu tolos años con llinternes y farolitos.

¿Y llueu?

Ponse a pesca angula, que llueu vende. Con eses perres, merca regalos que reparte a tolos neños y neñes del país.

¿Qué tengo que facer pa recibir regalos?

Ser bonu a lo llargo del añu y dexar un gorru de llana baxo l’árbol de Navidá con dalgo de comer y beber pa que pueda reponer fuercies.