La conquista del espaciu

L’Universu foi siempre ún misteriu pa la humanidá y el so estudiu, la dedicación de miles de científicos dende los inicios de los tiempos. La so conquista o esploración ocupó la imaxinación d’homes y muyeres y páxines de lliteratura de ciencia ficción d’escritores de la talla de Johannes Kepler o Jules Verne, pero nun pudo facese realidá hasta’l sieglu pasáu gracies a la inversión d’inimixanables cantidaes de perres por parte de les dos potencies mundiales de la época: Estaos Xuníos (EEXX) y la Xunión de Repúbliques Socialistes Soviétiques (XRSS).

El telescopiu, inventáu a finales del sieglu XVI, atribuyíu al alemán Hans Lippershey, permitió observar l’oxetos celestiales más cercanos, pero la idea de poder unviar cohetes al espaciu nun empezó a tar cerca de la realidá hasta los años últimos del sieglu XIX. Estauxunidense, alemanes y soviéticos foron los que más trabayaron nesti campu, ensin escaecer el llabor del inxenieru peruanu Pedro Eleodor Paulet, y sería depués del final de la II Guerra Mundial cuando comenzaría la nomada ‘carrera espacial’.

Dr. Wernher von Braun
Dr. Wernher von Braun.
¿Sabíes qué…? La derrota alemana provocó que tanto EEXX como la XRSS capturaran científicos alemanes p’aprovechar los sos conocimientos de cara a avanzar nes sos investigaciones astronáutiques.

El 4 d’ochobre del 1957 los soviéticos darán el primer pasu na carrera espacial col llanzamientu del ‘Sputnik’ a órbita. Un mes depués del llanzamientu d’esti satélite, la perra Laika convirtíase a bordu del ‘Sputnik II’ nel primer ser vivu en viaxar al espaciu, anque morrería hores depués del despegue por sobrecalentamientu de la nave, un datu que nun se revelaría hasta l’añu 2002.

Nun sería’l primer perru que se pondría n’órbita nuna serie d’esperimentos que demostraría la posibilidá de qu’un ser vivu pudiera sobrevivir a un viaxe d’esti calter. Asina, el 12 d’abril del 1961 Yuri Gagarin convirtióse nel primer humanu en ver la Tierra dende l’espaciu nun vuelu de 48 minutos nel ‘Vostok

NASA: Misión Apolo XVNASA: Misión Apolo XV.
¿Sabíes qué…? La National Aeronautics and Space Administration (NASA), axencia estauxunidense responsable del programa espacial, fundóse nel 1958 y consiguiría llevar a un ser humanu a la Lluna once años depués, adelantándose asina a los soviéticos.

Tres estos avances, pisar la Lluna sería’l siguiente oxetivu. La XRRS foi la primera en llevar una nave nesta carrera espacial, el ‘Lunik 2’ nel 1959 (impautu), y más tarde n’allunizar col ‘Lunik 9’ nel 1966, pero la falta real d’interés de Nikita Jrushchov en llevar a un astronauta al satélite y l’esfuerciu económicu fechu pol Gobiernu estauxunidense nel Proyeutu Apolo fixo que los norteamericanos dieran esti pasu enantes. Foi’l 21 de xunetu del 1969 col ‘Apolo 11’, tripuláu por trés persones, convirtiéndose Neil Armstrong nel primer ser humanu que pisaba tierra llunar.

los esfuercios nel estudiu del espaciu en comuña dende la Estación Espacial Internacional. Tres llegar al nuesu satélite, el siguiente oxetivu ye pisar un planeta, tando tolos esfuercios puestos en Marte; sicasí, esta fazaña entovía ta lloñe d’algamase.

  • ¿Cómo se llama’l primer satélite que se llevó al espaciu?
  • ¿Quién ye Gagarin?
  • ¿Y Armstrong?
  • ¿En qué ta poniendo agora la humanidá los sos esfuercios de cara a siguir esplorando l’espaciu?

 

Enllaza estes axencies espaciales que partipen na Estación Espacial Internacional col so país o continente de procedencia:

ESA
 
NASA
 
JAXA
 
FKA
 
ISRO
CNSA
 
Europa
Estaos Xuníos
Xapón
Rusia

India
China