Higiénico Papel representa ‘Una casa’ en La Reciella de la Factoría

'Una casa', d'Higiénico Papel

El ciclu d’actividaes infantiles La Reciella de la Factoría vive una sesión nueva esti vienres. Higiénico Papel representa ‘Una casa’, Premiu Oh! d’Artes Escéniques al Meyor Espectáculu pa la Infancia del 2009, nel espaciu escénicu de la Factoría Cultural d’Avilés.

La historia d’esta obra trata sobre una familia pequeña que vivía nuna casa pequeña, pero que col tiempu medra y muda a un llar nuevu. Ésta ye mui grande, con munchos cuartos y un xardín perguapu, pero pela nueche siéntense munchos ruíos y Andrés tien un poco de mieu.

‘Una casa’ trátase d’un espectáculu destináu a neñes y neños de 3 a 8 años que forma parte d’esti programa entamáu pola Estaya de la Llingua d’Avilés y ‘Reciella. Families pol Asturianu’. ‘Vendedora de pallabres’, de Factoría Norte, va completar el segundu semestre d’esti ciclu’l 23 de payares.

Toles funciones comiencen a les 19 hores y la entrada ye de baldre.