L'automóvil

Estos vehículos muévense gracies a un motor de combustión interna, xeneralmente gasolina, anque anguaño tamién ta estendiéndose l’usu de coches llétricos, híbridos o qu’empleguen gas llicuáu de petroleu o gas natural comprimíu. Con estes modos nuevos de propulusión búscase rebaxar el consumu y coches más ecolóxicos.

 

Hasta esa fecha los automóviles esistentes desplazábense a vapor, siendo’l so inventor el francés Nicolas-Joseph Cugnot nel 1769. Tres l’avance dau por Benz y la demostración, a cargu de la so muyer de l’autonomía del so inventu al desplazase 80 quilómetros nél, principiaron a entamase fábriques d’automóviles, siendo les primeres les franceses Panhard et Levassor (1889) y Peugeot (1891).

Sicasí, la popularización del usu del automóvil llegó del otru llau del Atlánticu de la mano de Henry Ford. El fundador de la compañía Ford Motor Company desendolcó al poco d’echar andar la so empresa un modelu de cadenes de producción modernes, provocando un descensu de los gastos de producción y, al empar, del preciu de venta, faciendo accesible la merca de turismos a un sector amplio de la sociedá estauxunidense.

 

Esta innovación de Ford nun sólo cambio la forma de producción d’automóviles, sinón tamién en tola industrial mundial. La fabricación en serie permitió la espansión del automóvil y ello llevó a la construcción de carreteres y l’adaptación de les zones urbanes a la so presencia. Anguaño hai millones de turismos circulando pel mundu, siendo’l mediu de llocomoción más popular.

¿Y cuándo aportó l’automóvil a Asturies? El primeru en circular pel país foi un Benz que llegó Uviéu nos primeros díis d’ochobre del 1890. El so propietariu yera’l marqués de Vista Alegre, Luis María de Unquera y Antayo, que lu mercó na Esposición Universal de París d’esi mesmu añu. Tenía trés ruedes y podía llegar a los 20 quilómetros per hora.