La Lluna
La lluna ye’l satélite únicu que tien la Tierra, el nuesu planeta. Un satélite ye un cuerpu terrestre que da vueltes sobre un planeta y, nel casu de la lluna, ta asitiada a una distancia media de 384.400 quilómetros. Ésta varía según la órbita que siga la lluna.
Cara visible de la LlunaPol so tamañu y composición, considérase a la lluna como un ‘planeta’ terrestre xunto con Mercurio, Venus, la propia Tierra y Marte. Hai delles teoríes sobre’l so orixe, pero la más estendida diz que tien el so orixe del nuesu propiu planeta. Asina, creese que nació tres una colisión de la Tierra con un protoplaneta.
La lluna nun tien atmósfera, pero nun se descarta la presencia d’agua conxelada en dalgunos cráteres profundos del polu sur llunar, zona siempre a la solombra. Los que tán na zona visible reciben nomes de personaxes claves na historia de la ciencia.
Cara oculta de la LlunaEl nuesu satélite foi, dende l’aniciu de los tiempos, fonte de curiosidá pal ser humanu. La so observación convirtióse en fechu común de munches civilizaciones y numberosos científicos estudiaron les sos carauterístiques.
En tiempu de la Guerra Fría, convirtióse n’oxetivu especial pa les dos potencies enfrentaes, la Xunión Soviética y Estaos Xuníos, qu’entamaron la denominada ‘carrera espacial’. Los soviéticos foron los primeros en llegar a elles con naves non tripulaes, pero’l primer home en pisala foi americanu, Neil Alden Armstrong. Foi un 20 de xunetu del 1969, tres posar la nave Apollo 11 na corteza llunar.
- ¿Qué ye un satélite?
- ¿Cuántos tien la Tierra?
- ¿Cómo inflúi la Lluna na Tierra?
- ¿Qué país foi’l primeru en llegar a la Lluna?