La indumentaria tradicional Asturiana
El traxe tradicional asturianu ye'l que vistíen los nuesos antepasaos nel so día a día. Ésti evolucionó col pasu de los años hasta que, cola llegada de la época industrial, sustituyóse por otres prendes que saltaben les llendes de los territorios. Sería'l primer pasu de la globalización na forma de vistir.
Banda de gaites
N'Asturies, según la zona, había delles diferencies nos traxes del llugar, anque toos ellos teníen unes carauterístiques comunes. Como ropa interior los asturianos lelvaben una camisa con mangues d'abondu vuelu y calzaones de llinu, cáñamu o algadón, mentes que les asturianes llevaben una camisa bien llarga que-y tapaba les piernes. Nos pies, mentes, llevábense calcetos de llana o d'algodón y corices feches en pelleyu peláu o semicurtíu de cabra o vaca, escarpinos y madreñes.
El calzón curtiu yera la prenda más importante pa los paisanos, anque poco a poco foi evolucionando hasta'l pantalón llargu. Les muyeres, pela so parte, llevaben sayes baxeres de dellos collores y poníense de dos a siete refaxos qu'amuesaben la so posición socioeconómica. Tamién llevaben la faltriquera, onde guardaben pequeños oxetos personales. Nel casu de los homes, guardaben les sos coses na corexa, una bolsa texida con llana.
Danza nel oriente d'Asturies
Un elementu fundamental de los traxes de los homes ye'l xilecu, que diba sobre la chamarreta. Llueu llevaben la faxa, que ceñía la zona del banduyu, y una chaqueta perriba. Nel casu de la muyer, usábase'l xustillu p'apretar el pechu y ceñir la cintura. Tamién llevaben mandil, la prenda femenina con más bayura.
Pa cubrise, les paisanes utilizaben el dengue, la más conocida. Completábase la indumentaria femenina con los pañuelos na cabeza, tamién de munchos colores, y les xoyes. Mentes, los homes usaben monteres que tamién abrigaben del fríu.
- ¿Qué ye un traxe tradicional?
- ¿Cuándo s'utiliza?
- ¿Cuáles conoces?
- ¿Qué carauterístiques tien el que s'utilizaba nel to pueblu o ciudá?
