La informática ye’l conxuntu de téuniques rellacionaes col tratamientu automatizáu de datos. O de manera más cenciella, los ordenadores y too aquello que lo arrodia. L’orixe de la informática ta nes máquines de cálculu. El ser humanu bien ceo tuvo que disponer de técniques ya instrumentos que-y sirvieren pa efectuar cencielles operaciones como sumes, restes, multiplicaciones y divisiones. L’ábacu foi’l primer instrumentu ideáu a tal efectu, yá que podía facer eses operaciones sacante dividir. Nun se sabe mui bien el so orixe, pero áa yera emplegao polos sumerios hai más de 4.000 años. Y nel mundu antiguu, con delles variantes, yera conocíu en munches partes: griegos, romanos, chinos, exipcios o los pueblos americanos usábenlo.
Máquina de Pascal
¿Sabíes que…? La primer web foi asoleyada’l 6 d’agostu de 1991 y foi precisamente una páxina onde s’informaba del nacimientu y funcionamientu de la, n’aquel entonces, novedosa rede, la World Wide Web.
Pasaron munchos sieglos hasta qu’apareció la primer calculadora. En 1642 el filósofu y matématicu francés Pascal inventa la primer calculadora mecánica, siendo esi instrumentu l’antepasáu llonxanu de los nuesos ordenadores. A partir d’esi momentu poco a poco les máquines de cálculu diríen faciéndose más complicaes y rápides, hasta la llegada del primer ordenador. Anque yá había delles máquines qu’efectuaben operaciones de cálculu automatizaes y procesaben datos, en 1946 presentase nos EE.XX. la máquina ENIAC, el primer ordenador. Midía más de 2 metros d’altu y 30 de llargu y pesaba 27 tonelaes. Esos primeros ordenadores solamente yeren usaos por universidaes y gobiernos, yá que yeren mui caros de construyir y mui compliaos de remanar.
Ordenador de finales de los 70
¿Sabíes que…? el primer email unvióse n’ochobre de 1971 ente dos ordenadores que taben a una distancia de dos metros. Usóse una rede llamada Arpanet y el mensaxe, al ser de prueba, solo contenía lletres escrites a lo xo.
El primer ordenador personal foi inventáu n’Italia por Pier Giorgo Perotto en 1964. Vendiéronse 44.000 d’ellos nos EE.XX. a un preciu caún qu’equivaldría anguaño a unos 20.000 euros. Ente otros foi usáu pola NASA na misión del Apolo XI, la que llevó l’home a la Lluna. Habría qu’esperar a finales de los 70 y a los 80 del sieglu pasáu pa que los ordenadores comenzaren a llegar de forma masiva a los llares, yá con una forma asemeyada a l’actual y precios muncho más baratos.
A la popularización de los ordenadores xuniose l’apaición d’Internet, una rede de redes que como sabéis permite’l tresporte d’información ente millones d’ordenadores y conecta a millones y millones de persones de cualesquier llugar del mundu. Y anque’l so orixen ta en 1969, cuando s’interconectaron los ordenadores de cuatro universidaes norteamericanes, sería a primeros de los años 90 cuando va desarrollase la Rede Informática Mundial, más conocía n’inglés por World Wide Web (WWW).
¿Qué operaciones matemátiques podíen facese con un ábacu?
Máquina de Pascal
Ordenador de finales de los 70