El clima ye’l conxuntu de condiciones atmosfériques que se repiten cíclicamente y que caractericen a un llugar. Ye en definitiva’l tiempu (calor, friu, lluvia, ñeve, nubes etc.) que fai en cada llugar y que ye propiu del sitiu. Y la meteoroloxía ye la ciencia que s’encarga de predecir el tiempu que va facer nun sitiu determináu nes próximes hores, díes o selmanes.
Llugar de clima polar
¿Sabíes que…? La temperatura más alta rexistrada foi nel desiertu de Sonora, en México, nel añu 1966. El termómetru llegó hasta los 58,5º. La más baxa foi en Rusia, en 1933, con -68º.
Cada llugar tien un clima propiu, y por esto la tierra dividise en zones climátiques. Hai sitios onde llueve muncho, otro poco, sitios de muncho friu o muncho calor. Todo depende de la llatitú del llugar, de l’altura, de si ta cerca de la mar o llonxe y d’otros factores xeográficos. Les principales zones climátiques o climes del mundu sepártense en tres grandes grupos: cálidos, que tienen de media una temperatura superior a los 20º y nun hai demasiada diferencia entre les estaciones; templaos, que tiene ente 10 y 20º de media y les estaciones tan bien diferenciaes; y frios, nos que la temperatura media anual nun pasa de los 10º.
Sitiu de clima áridu
¿Sabíes que…? El llugar más lluviosu de la tierra ye Mawsynram, na India. Pa que te faigas una idea, llueve al cabu del añu diez veces más que n’Asturies. Y el más secu ye’l desiertu d’Atacama, en Chile, onde hai años nos que nun llueve nengún día.
Esos tres grandes climes divídense tamién, polo que dientro del cálidu tenemos l’ecuatorial, que ye húmedo, el trópical, que ye suelen tener lluvias namás en branu y l’áridu, que ye persecu y nel que los díes son calurosos y les nueches fries. Nos templaos ta’l clima mediterráneu, que con branos secos y calurosos, l’oceánicu, propiu de zones costeres del Atlánticu, con abundancia de lluvies y temperatures nin mui fries nin mui cálides, y el clima continental, que tien branos calurosos ya iviernos fríos. Y clima friu, que dixébrase en dos tipos, el d’alta montaña, de baxes temperaturas y ñeve, y el polar, secu y friu propiu del polu norte y sur.
Asturies, dientro de toos esos climes, ta dientru del clima templáu oceánicu, y en concretu del llamáu atlánticu, propiu tamién d’otros sitios como Irlanda, Bretaña o Galicia. Ye un clima onde hai lluvies abundantes, les temperaturas son templaes, nin mui fríes pel iviernu nin mui caluroses pel branu, y onde ñeva nos montes nos meses ivernales.
¿Cuántos tipos de climes hai nel mundu?
¿Cuála ye la dieferencia ente un clima continental y un áridu?
¿Qué clima tien Asturies?
¿Cuál ye’l llugar de la Tierra onde menos llueve?
Xunta cada zona climática cola so temperatura media.
Llugar de clima polar
Sitiu de clima áridu