Esposición-cuentu 'Aquel viaxe estraordinariu (camudó al home solitariu)'

Hasta'l 31 d'Ochobre puede vese esta esposición nel Centru de Cultura Antiguu Institutu. El domingu 30 d'ochobre va haber visites guiaes.

 Esti llibru de la coleición Menudu cuentu, d'Ediciones Impronta,  con testos de Lucía Tejerina y ilustraciones de María Díaz Perera, convídate a disfrutar d’un prestosu viaxe alredor del mundu. Cada vuelta de fueya ye un xiru al rodiu de la música y les lletres de los Beatles. Too nes sos precioses páxines ye un homenaxe a George, Ringo, Paul y John, la banda de los corazones solitarios.

El domingu 30 d'ochobre va haber visites guiaes a les 11.30 h y a les 12.30 h, pa neños y neñes de 7 a 10 años. Hai qu'acutar primero nel teléfonu 985 18 13 89. Organiza la Oficina de Normalización Llingüística de Xixón.