'Enantes de nacer yo...'
Nome: ‘Enantes de nacer yo…’
Autora: Irene Riera
Ilustraciones: Lara González Lobo
Editorial: Impronta, 2013
‘Enantes de nacer yo…’ amuesa la molición d'una neña que s'entruga cómo yera'l mundu primero qu'ella naciera. Trátase del primer númberu de la serie ‘Bonos principios’, na que la neña protagonista cavila sobre cualquier asuntu col so puntu de vista particular, siempre gayoleru y con bon humor.
Autora desconocida hasta agora, Riera presenta un bon trabayu enfocáu pa neños y neñes de 4 a 9 años con testos que se complementen perbién coles ilustraciones fresques de González Lobo.