‘Yo, la to llingua’
Nome: ‘Yo, la to llingua’
Autor: Damián Barreiro.
Editorial: Ediciones Trabe, 2015
La llingua asturiana cuenta en primer persona la so historia: “Lo primero voi presentate a mio pá y a una montonera hermanos que tengo. Tamién quiero convidate a conocer a los mios tres fíos, que tanto acancallo y quiero. Anque llevo n’Asturies bien de sieglos, anguaño teo una salú social delicada y nun sé cuálu va ser el mio futuru. Vós, asturianes y asturianos, vais ser quien decidan qué va ser de mio vida, si vais siguir usándome mesmo pa falar que pa escribir o voi tener que dormir yá pa siempre...”.
El periodista Damián Barreiro, ex redautor d’Asturies.com, ye l’autor d’esti llibru sobre’l nuesu idioma que busca esplicar d’una manera didáutica y cercana qué ye la llingua asturiana. La obra cuenta con 80 fueyes y tien un preciu de 6 euros.