‘Nel, el coríu que nun sabía nalar’ yá ta a la venta nes llibreríes
La obra d’Inaciu Galán pa neños y neñes, ‘Nel, el coríu que nun sabía nalar’, yá ta a la venta nes llibreríes asturianes o na rede na web de la editorial AsturtOOns. Enrique Carballeira encargóse de les ilustraciones.
L’escritor xixonés cuenta nesti llibru la historia de Nel, un personaxe mui especial que tendrá que superar dalgunos mieos pa poder vivir con normalidá na charca xunto col restu de collacios. Un coríu que va ganase’l cariñu de los más pequeños y ayudar a superar aquellos temores que pueden tener.
‘Nel, el coríu que nun sabía nalar’ tien una estensión de 24 páxines en tamañu A-5, ilustraos a too color por Carballeira. Tamién inclúi dos exercicios pa los llectores.