25 Mayu vs. 8 Setiembre

Acércase’l 25 mayu y, como tolos años, ábrense los alderiques de cuál debería ser el Día d’Asturies.

Hai daquién que sostién que’l Día d’Asturies ye’l Día la Santina, poles connotaciones cristianes que tienen ciertes 'visiones' del Reinu Astur xurdíu nel sieglu VIII pel princeps Pelayo, sofitáu ésti pola nobleza cántabra y la famosa 'batalla' de Cuadonga.

Hailos qu’afirmen que’l Día d’Asturies debería ser el 25 de mayu porque ye cuandu se crea la Xunta Suprema’l Principáu d’Asturies, declarámonos soberanos, unviamos embaxador a Inglaterra y reconózse esta soberanía a nivel internacional, polo menos un breve espaciu tiempu.

Na mio opinión nun-yos falta razón a nengún/a.

Si cellebráramos el Día Nacional d’Asturies, con una sinificancia púramente nacional, ensín dubia quiciabes el 25 de mayu sedría meyor opción que’l 8 setiembre, yá que na dómina de Pelayo nin siquier sentíanse asturianos, yeren y autonomábense ástures, que ye mui asemeyáu emperu nun ye lo mesmu; de fechu, les fronteres del Reinu Astur comprendíen otros territorios qu’a los que se circunscribe l’actual Asturies.

Agora bien, si falamos del Día d’Asturies comu símbolo de l’asturianía, de la esencia d’Asturies, yo tengo que decántame pol 8 de setiembre. Y fáigolo porque taríemos falando de la Diosa Onna, diosa celta madre Astur, creadora de vida y casi tolo que mos alrodia.

Comu toos sabéis, la basílica de Covadonga ta asitiao nun antiguu llugar de cultur paganu céticu, en concretu a la diosa Onna. De fechu, tien tolos elementos: la diosa madre; l’agua comu elementu dador de vida y purificación; la piedra que ye ónde se manifiesta la diosa madre, etc. Por eso, después de la so cristianización llamáronlu 'Basílica de Covadonga' ('Cova –d- onga', que vien de ser la Cova d’Onna, la cova de la diosa celta astur); oseya, que nun foi más qu’una maniobra cristiana, comu tantes otres, de cristianizar la relixón ancestral de nueso.

Si a esto amestamos-y la xesta de Pelayo escontra los invasores (dame igual que foran musulmanes que pekineses), espeya bien la esencia de los ástures y después asturianos/es qu’ensín dubia caracterizámonos pola continua llucha a lo llargo de la historia por caltener nuesu territoriu ya nueso cultura. En definitiva, la identidá y llibertá de nuesu.

Dicho esto, soméramente, como cuerresponde a un artículo d’opinión, lo cimeru que tenemos qu’escoyer ye qué queremos celebrar: si ye la nación asturiana, vista dende un finxu de vista xurídicu-políticu quiciabes sedría más acertáu falar del 25 de mayu; pel contrario, si tamos falando d’Asturies dende’l finxu de vista de l’esencia del nuesu pueblu, non por cuestiones cristianes que pocu deberíen tener que ver en too esto, al mio entender, creo que tien que ser el 8 setiembre.

Anque faciendo gala del respeutu a la diversidá, tamién puen celebrase los dos: el 25 de mayu comu conmemoración a la creación de la Xunta’l Principáu d’Asturies ya la soberanía’l nuesu pueblu, ya’l 8 setiembre comu festividá de la diosa madre celta Astur. Nun veo yo muncha complicación pa facer les dos coses.

En cualesquier casu y cellebre caún/a lo que celebre, que lo faiga sabiendo lo que ta faciendo. L’ochu setiembre nun ye’l Día la Santina namái, hai munchu más detrás de too eso que ye lo que configura l’auténticu sentíu d’esi llugar ya esa cellebración.

Prestosu 25 de mayu y/o 8 de setiembre a toos/es.

Fernán Morán ye'l presidente de la Lliga Celta d'Asturies.