Unos paxellos a protexer

Los traxes d'aldeana y porruanu llaniscos van ser próximamente declaraos Bienes d'Interés Cultural (BIC). El Conseyu del Patrimoniu Cultural yá entamó los espedientes pa protexer el modelu más popular de la nuesa indumentaria tradicional.

Asina lo anunció tres el Plenu celebráu 8 de marzu, nel que tamién s'aprobó que foran BIC los bolos, el pobláu mineru de Bustiello, el Palaciu de Sorribes y once órganos históricos repartíos pel país. "Tramitáu a pidimientu de los trés bandos festivos de Llanes, los traxes son portadores d'un alto valor simbólicu y identitariu que va dende la serie de conocimientos tradicionales qu'aporten sobre les téuniques de la so ellaboración hasta'l papel que xueguen en rituales ceremoniales", espliquen.

N'Asturies.com queremos homenaxar a la nuesa indumentaria tradicional con una galería de semeyes del traxes d'aldeana y porruanu, asina como una ficha didáutica en 'A la gueta los suaños' pa los más mozos de la casa.