Un casu más súmase a los 4 positivos de COVID-19 de la fin de selmana

|

Los dos últimos tamién son importaos, d'Aragón y de la República Dominicana.

La Conseyería de Salú ta acabante de dar los detalles del casu de COVID-19 incorporáu a la serie pero non comunicáu y un positivu nuevu, el 2.447, que se va añadir mañana. Son dos homes que presenten síntomas leves tres regresar de viaxe de Zaragoza y del Caribe.

El primeru ta aislláu nel so llar tres ser atendíu nel so centru de salú de l'área sanitaria d'Uviéu. Mentes, al segundu tomóse-y la muestra nel xixonés Hospital Universitariu de Cabueñes y derivóse al Centru de Referencia Estatal pa Persones con Discapacidaes Neurolóxiques (Credine), en Llangréu, pa garantizar el so aisllamientu.

Contador Estadistiques