Día del Llibru Asturianu

Un biltu n’Avilés lleva a Salú a facer un llamamientu a los veceros de trés chigres pa realizar un PCR

|

La cafetería Valsa y los bares Piol y Don Pelayo tán venceyaos a un biltu nuevu centráu n’Avilés que suma 16 casos de COVID-19 hasta’l momentu. La Conseyería de Salú, que comunicó güei 32 positivos –30 según los datos oficiales–, llama a facer una prueba PCR a los veceros d’estos llocales ente’l 17 y el 30 d’agostu

“Estes persones han de llendar la so vida social, vixilar el so estáu y cumplir de manera rigurosa coles midíes de proteición: llaváu frecuente de manes con xabón, usu correutu de la mázcara y caltenimientu de la distancia interpersonal de, polo menos, metru y mediu”, encamienten les autoridaes. Pa facer la prueba, los clientes d’estos trés chigres avilesinos han de llamar al teléfonu 984.10.04.00 o rellenar esti formulariu.

Salú informó güei de 32 positivos nuevos, anque los datos oficiales sumen 30 más pa poner el total de la serie en 3.384. Cuatro d’ellos pertenecen al oriente, de los que dos se detectaron gracies al cribáu nel Centro de Educación Especial Don Orione, en Posada.

Una persona más na UCI

A lo llargo d’ayeri una persona tuvo que ser ingresada na UCI, polo que’l númberu total de pacientes asciende a 5. En planta hai 22 persones anguaño.

Contador Estadistiques