Día del Llibru Asturianu

Asturies tien 18 biltos activos de COVID-19 que sumen 198 positivos

|
Autocovid en La Madalena

La Conseyería de Salú contabiliza un total de 18 biltos de COVID-19 con 198 persones afeutaes pola enfermedá causada pol SARS-CoV-2. Na selmana última Asturies rexistra siete brotos llocalizaos n’Avilés, Parres y Llanes, y nes árees sanitaries de Xixón y Uviéu.

L’últimu comunicáu foi’l que tien como focu la cafetería Valsa y los bares Piol y Don Pelayo nel barriu avilesín de La Madalena, con 18 positivos hasta’l momentu, 2 más qu’ayeri. Tres el llamamientu de les autoridaes pa que los veceros ente’l 17 y el 30 d’agostu d’esos trés establecimientos pegaos de la cai Valdés Salas 1.300 persones solicitaron cita pa facer una prueba PCR nel aparcamientu del pabellón d’esposiciones, de los que yá se fixeron 300 que tán a la espera de los resultaos.

Dos de los biltos restantes últimos tán asitiaos en conceyos n’alerta naranxa, Parres y Llanes. Los otros trés conceyos del oriente baxo esti nivel de prevención son Cangues d’Onís, Ribeseya y Cabrales.

Ente los positivos de Llanes, Salú comunica que dellos son turistes. En total hai activos anguaño nel país 18 biltos que sumen 198 positivos.

Na semeya, puestu d'autocovid en La Madalena.

Contador Estadistiques