Trés actividaes completen el programa de Mieres al rodiu les nueses lletres

|
Mario Bernardo y Cristina Gestido 'Canciones asturianas'

El domingu va celebrase'l conciertu 'Canciones asturianas' de García Abril con una formación camerística clásica formada por Cristina Gestido y Mario Bernardo.

La Selmana de les Lletres Asturianes en Mieres allárgase hasta estos díes de mayu. Cinco xornaes dedicaes a la lliteratura en llingua asturiana, de les que queden trés por celebrar.

Les dos primeres van consistir nuna narración de cuentos orales de la tradición asturiana y nun taller d'escritura creativa a cargu d'Elisabet Martín Teatro. Va tener llugar el xueves pa un públicu xuvenil a partir de 14 años y el vienres p'adultos na Biblioteca de Mieres a les 18 hores, pa lo que ye necesario una inscripción previa al ser les places llendaes a 8 participantes.

L'Auditoriu Teodoro Cuesta va ser la sede'l domingu, a les 20 hores, del conciertu 'Canciones asturianas' del compositor Antón García Abril. Gestido, cola viola, y Bernardo, col pianu, van ser los intérpretes de 'Madre Asturias', 'Duérmete neñu', 'Non te pares a mio puerta', 'Yo no soy marinero', 'Una estrella se perdió', 'Ella lloraba por mi' o 'Vaqueiras'. Alfredo González va facer llectura declamada de los testos de León Delestal y populares, mentes qu'Ezequiel Sebastian va encargase de l'ambientación visual.

La xente interesada n'asistir a esta actividá ha recoyer les invitaciones na Casa Cultura o acutar butaca nel teléfonu 985.45.19.53. Tamién va poder visitar la esposición sobre la vida y obra de Nel Amaro, creador mierense a la que tuvo dedicada la XLII Selmana de les Lletres Asturianes, instalada nel estregal del auditoriu, onde va permanecer hasta'l 11 de xunu.

 

 

 

 

Contador Estadistiques