Salú confirma qu'Asturies yá ta na tercer fola

|
Distancia social coronavirus SARS-CoV-2

"Debemos intentar torgar que s'asemeye a la segunda que vivimos", apunten dende l'Observatoriu de Salú n'Asturies. El xueves rexistráronse 148 contaxos y una muerte.

Los datos de los díes últimos de la pandemia de COVID-19 lleva a esta ferramienta de la Direición Xeneral de Salú Pública, al traviés de la que se tán comunicando agora toles cifres, a confirmar la llegada de la tercer fola: "tamos nella", asegura. "Prescindimos de lo prescindible", encamienta a la población al tar nestos momentos énte "díes claves" pa que la tresmisión del coronavirus SARS-CoV-2 nun aumente hasta los niveles de la segunda.

Ayeri, a falta de conocer los datos oficiales, la Conseyería de Salú comunicó 148 contaxos tres la realización de 3.229 de diagnósticu d'infeición activa, polo que la tasa de positividá asitióse nun 5,45 por cientu. Son 29 casos positivos menos que'l miércoles.

Hai hospitalizaes 180 persones con confirmación o sospecha de COVID-19, a los qu'hai que sumar 60 que tán na UCI. Son 11 y 2 menos que'l miércoles, de manera respeutiva.

Otra manera, el conseyeru Pablo Ignacio Fernández Muñiz anunció güei nuna entrevista na COPE que'l llunes van afitase restricciones nueves no que respeuta a horarios y aforos.

 

Contador Estadistiques