Salú comunica 121 positivos, con una tasa del 4,88 por cientu

El llunes finaron 13 persones con COVID-19.

A falta de conocer los datos oficiales de la pandemia, la Conseyería de Salú comunicó la detección de 121 contaxos ayeri. Son 21 menos que'l domingu.

Tamién baxó la tasa de positividá, del 5,86 por cientu a un 4,88 tres la realización de 3.585 pruebes de diagnósticu d'infeición activa. Les cifres de los últimos díes siguen cercanes al 5 por cientu que que marca la Organización Mundial de la Salú (OMS) pa tener controlada la pandemia.

Hai que llamentar na xornada la perda de 13 persones: ocho homes de 93, 74, 74, 74, 71, 70, 68 y 64 años, y cinco muyeres de 99, 90, 88, 80 y 77, de los que nueve teníen domiciliu en residencies de mayores. Desque principió l'andanciu finaron 1.251 ciudadanos cola enfermedá cuasada pol coronavirus SARS-CoV-2.

Incidencia acumulada menor que la media estatal

Contabilícense 480 pacientes hospitalizaos con confirmación o sospecha de COVID-19, a los qu'hai que sumar 99 que tán na UCI. Son 3 y 11 menos que'l domingu, de manera respeutiva.

Mentes, la incidencia acumulada nos 7 díes postreros ye de 86,04 casos por 100.000 habitantes, inferior a la media estata, que ta en 88,6.